________________ जंबुद्दीवपण्णत्ती व. 4 667 ते णं तोरणा णाणामणिमया णाणमणिमएसु खंभेसु उवणिविट्ठसंणिविट्ठा विविहमुत्तंतरोवचिया विविहतारारूवोवचिया ईहामियउसहतुरगणरमगरविहगवालग किण्णरहरुस• रभचमरकुंजरवणलयपउमलयभत्तिचित्ता खंभुग्गयवइवेइयापरिगयाभिरामा विजाहरजमलजुयलजंतजुत्ताविव अच्चीसहस्समालणीया रूवगसहस्सकलिया भिसमाणा मिन्भिसमाणा चक्खुल्लोयणलेसा सुहफासा सस्सिरियरूवा घंटावलिचलियमहुरमणहरसरा पासाईया०, तेसि णं तोरणाणं उवरि बहवे अट्ठमंगला प०, तं०-सोत्थिए सिरिवच्छे जाव पडिरूवा, तेसि णं तोरणाणं उवरि बहवे किण्हचामरज्झया जाव सुक्किलचामरज्झया अच्छा सण्हा रुप्पपट्टा वइरामयदण्डा जलयामलगंधिया सुरम्मा पासाईया 4, तेसि ण तोरणाणं उपि वहवे छत्ताइच्छत्ता पडागाइपडागा घंटाजुयला चामरजुयला उप्पलहत्थगा पउमहत्थगा जाव सयसहस्सपत्तहत्थगा सव्वरयणामया अच्छा जाव पडिरूवा, तस्सणं गंगप्पवायकुंडस्स बहुमझदेसभाए एत्थ णं महं एगे गंगादीवे णामं दीवे पण्णत्ते अट्ठ जोयणाई आयामविक्खंभेणं साइरेगाइं पणवीसं जोयणाई परिक्खेवेणं दो कोसे ऊसिए जलंताओ सव्ववयरामए अच्छे सण्हे०, से णं एगाए पउमवरवेइयाए एर्गेण य वणसंडेणं सव्वओ समंता संपरिक्खित्ते वण्णओ भाणियव्यो, गंगादीवस्स णं दीवस्स उप्पिं बहुसमरमणिज्जे भूमिभागे पण्णत्ते, तस्स णं बहुमज्झदेसभाए एत्थ णं महं गंगाए देवीए एगे भवणे पण्णत्ते कोसं आयामेणं अद्धकोसं विक्खंभेणं देसूणगं च कोसं उद्धृ उच्चत्तण अणेगखंभसयसणिविटे जाव बहुमज्झदेसभाए मणिपेढियाए सयणिज्जे, से केणटेणं जाव सासए णामधेज्जे पण्णत्ते, तस्स णं गंगप्पवायकुंडरस दक्खिणिल्लेणं तोरणेणं गंगामहाणई पवूढा समाणी उत्तरड्डभरहवासं एजमाणी 2 सत्तहिं संलिलासहस्सेहिं आऊरेमाणी 2 अहे खण्डप्पवायगुहाए वेयडपव्वयं दालइत्ता दाहिणड्वभरहवासं एजमाणी 2 दाहिणभरहवासस्स बहुमज्झदेसभागं गंता पुरत्थाभिमुही आवत्ता समाणी चोद्दसहिं सलिलासहस्सेहिं समग्गा अहे जगई दालइत्ता पुरथिमेणं लवणसमुदं समप्पेइ, गंगा णं महाणई पवहे छ सकोसाइं जोयणाई विक्खंभेणं अद्धकोसं उव्वेहेणं तयणंतरं च णं मायाए 2 परिवड्डमाणी 2 मुहे बासट्टि जोयणाई अद्धजोयणं च विक्खंभेणं सकोसं जोयणं उव्वेहेणं उभओं पासिं दोहिं पउमवरवेइयाहिं दोहिं वणसंडेहिं संपरिक्खित्ता वेइया• वणसंडवण्णओ.भाणियव्यो, एवं सिंधूएवि णेयव्वं जाव तस्स णं पउमद्दहस्स पच्चत्थिमिल्लेणं तोरणेणं सिंधुआवत्तणकूडे दाहिणाभिमुही सिंधुप्पवायकुंड सिंधुद्दीवो अट्ठो सो चेव जाव अहेतिमिसगुहाए वेयड्डपव्वयं दालइत्ता पच्चत्थिमाभिमुही आवत्ता
