________________ पढमं परिसिट्ठ त्तरोववाइयसंपया हुत्था // 225 // उसभस्स णं अरहओ कोसलियम्स दुविहा अंतगडभूमी हुत्था, तंजहा-जुगंतगडभूमी य परियायंतगडभूमी य, जाव असंखिजाओ पुरिसजुगाओ जुगंतगडभूमी, अंतोमुहुत्तपरियाए अंतमकासी // 226 / / तेणं काले तेणं समएणं उसमे णं अरहा कोसलिए वीसं पुव्वसयसहस्साई कुमारवासमझे व सित्ता(णं) तेवदि पुव्वस यसहस्साइं रजवासमझे वसित्ता तेसीइ पुव्वसयसहस्साई अगारवासमझे वसित्ता एगं वाससहस्सं छउमत्थपरिया(य)गं पाउणित्ता एगं पुटवसयसहस्सं वाससहस्सूणं केवलिपरियागं पाउणित्ता पडि(सं) पुण्णं पुव्वसयसहस्सं सामण्णपरियागं पाउणित्ता चउरासीइं पुव्वसयसहस्साइं सव्वाउयं पालइत्ता खाणे वेयणिजाउयणामगुत्ते इमीसे ओसप्पिणीए सुसमदुसमाए समाए बहुविइवताए तिहिं वासेहिं अद्धणवमेहि य मासेहिं सेसेहिं जे से हेमंताणं तच्चे मासे पंचमे पक्खे माहबहुले तस्स णं माहबहुलस्स तेरसीपक्खेणं उप्पिं अट्ठावयसेलसिहरंसि दसहि अणगारसहस्सेहिं सद्धिं चउ(चो)द्दसमेणं भत्तणं अपाणएणं अभीइणा णखत्तेणं जोगमुवागएणं पुव्वण्हकालसमयंसि संपलियंकणिसण्णे कालगए जाव सव्वदुवखप्पहीणे // 227|| उसमस्स णं अरहओ कोसलियस्स कालगयस्स जाव सव्वदुक्खप्प. हीणस्स तिणि वासा अद्धणवमा य मासा विश्वकंता, तओ वि परं एगा सागरोवमकोडाकोडी तिवासअद्धणवमासाहियबायालीसाए वाससहस्सेहिं उणिया विइक्कंता, एयंमि समए समणे भगवं महावीरे परिणिन्बु(डे)ए, तओ वि परं णववाससया विइक्कंता, दसमस्स य वाससयस्स अयं असीइमे संवच्छरे काले गच्छइ // 228 // 1 // इइ सिरिउसहजिणचरियं समत्तं / / गणहराइथेरावली तेणं कालेग तेणं समएणं समणस्स भगवओ महावीरस्स णव गणा, इक्कारस गणहरा हुत्था // 1 // से केणटेणं भंते ! एवं बुच्चइ-समणस्स भगवओ महावीरस्स णव गणा, इक्कारस गणहरा हुत्था ? // 2 // समणस्स भगवओ महावीरस्स जिढे इंदभूई अणगारे गोयम (स) गुत्तेणं पंच समणसयाइं वाएह, मज्झिमए अग्गिभूई अणगारे गोयमगुत्तेणं पंच समणसयाइं वाएइ, कणीयसे अणगारे बाउभूई कामेणं गोयमगुत्तेणं पंच समणसयाइं वाएइ, थेरे अजवियत्ते भारद्दाए गुत्तेणं पंच समणसयाई वाएइ, थेरे अजसुहम्मे अग्गिवेसायाणे)णगुत्तेणं पंच समणसयाई 6 एइ, थेरे मंडियपुत्ते वासि(टे)ट्ठसगुत्तेणं अधुट्ठाइं समणसयाई वाएइ, थेरे मोरियपुत्ते
