________________ पढम परिसिळं जाणइ / जं रयणिं च णं ममणे भगवं महावीरे देवाणंदाए माहणीए जालंधरसगु. ताए कुञ्छिसि गमत्ताए वक्ते तं रयणिं च णं सा देवाणंदा माहणी सयणिज्जंसि सुत्तजागरा ओहीरमाणी 2 इमेयारूवे उराले कल्लाणे सिवे धण्णे मंगल्ले सस्सिराए च उद्दसमहासुमिणे पासित्ताणं पडिबुद्धा, तंजहा-गये-वसह-सीहै-अभिसेय-दामसंसि-दिणयर यि कुंभं / पउमसैर-सागर-विमाणभण-रयणुच्चय-सिहि च // 1 // // 4 // तए णं सा देवाणंदा माहणी इमे एयारूवे उसले कल्लाणे सिवे धणे मंगले सस्सिरीए चउद्दसमहासुमिणे पासित्ताणं पडिबुद्धा समाणी हट्टचित्तमाणंदिया पीइमणा परमसोमणस्सिया हरिसवसविसापमाणहि यया धाराहयवलंबु. गंपिव समुस्स सियरोमकूवा सुमिणुरगहं करेइ सुमिणुगहं करित्ता सयणिजाओ अब्भुदुइ अब्भुद्वित्ता अतुरियमचवलमसंभंताए रायहंसर रिसीए गईए जेणव उसमदत्ते माहणे तेणेव उवागच्छइ उवागच्छित्ता उसमदत्तं माहणं जए विजएणं बद्धावेइ वद्धावित्ता भद्दामणवरगया आसत्था वीसत्था सुहासणवरगया करयलपरिग हि यं दसणहं सिरसावत्तं मत्थए अंजलिं कट्ट एवं क्यासी-एवं खलु अहं देवाणु प्पिया ! अन्ज सयणिज्जसि सुत्तजागरा ओहीरमाणी 2 इमयारूवे उराले जाव सम्सिर ए चउद्दसमहासुमिणे पासित्ताणं पडिबुद्धा, तंजहा--गय जाव सिहि च / एए सिं देवाणुप्पिया ! उरालाणं जाव च उद्दसण्हं महासुमिणाणं के मण्णे कल्लाणे पलवित्तिविसेसे भविस्सइ ? // 5-6 // तए णं से उसमदत्ते माहणे देवाणंदाए माहीए अंतिए एयमढे सुच्चा णिसम्म हट्टतुट्ट नाव हियए धाराहयकलंबुयंपिव समुस्ससियरोमकवे सुमिणुग्गहं करेइ करित्ता ईहं अणुपविसइ अणुपविसित्ता अप्पणो साहाविएणं मइपुव्वएणं बुद्धिविण्णाणेणं तेसिं सुमिणाणं अन्थुग्गहं करेंइ 2 त्ता देवाणादं माहणिं एवं वयासी-उराला णं तुमे देवाणुप्पिए ! सुमिणा दिट्ठा, कल्लाणा (णं) सिवा धण्णा मंगल्ला सस्सिरीया आरुग्गतुट्ठिदीहाउकल्लाणमंगलकारगा गं तुमे देवाणुप्पिए ! सुमिणा दिट्ठा,तंजहा-अत्थलाभो देवाणुप्पिए ! भोगलाभो देवाणुप्पिए ! पुत्तलाभो देवाणुप्पिए ! सुक्खलाभो देवाणुप्पिए !, एवं खलु तुमं देवाणुप्पिए ! णवण्हं मासाणं बहुपडिपुण्णाणं अट्ठमाणं राइंदियाणं विइक्कंताणं सुकुमालपाणिपायं अहीणपडिपुण्णपंचिंदियसरीरं लक्खणवंजणगुणोववेयं माणुम्माणपमाणपडिपुष्णमुजायसव्वंगसुंदरंगं ससिसोमाकारं कंतं पियदंसणं सुरूवं देवकुमारोवमं दारयं पया 1 कयंबपुप्फगंपिव /
