Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 67

658 . अनंगपविटुसुत्ताणि रहमालासहस्सेहिं विच्छिप्पमाणे 2 कंतिरूवसोहग्गगुणेहिं पिच्छिन्नमाणे 2 अंगुलिमालासहस्सेहिं दाइजमाणे 2 दाहिणहत्थेणं बहूणं णरणारीसहस्साणं अंजलिमालासहस्साई पडिच्छेमाणे 2 भवणपंतीसहस्साई समइच्छमाणे 2 तैत.तलतुडियगीयवाइयरवेणं महुरेणं मणहरेणं मंजुमंजुणा घोसेणं पडिबुज्झमाणे 2 जेणेव सए गिहे जेणेव सए भवणवरवडिंसयदुवारे तेणेव उवागच्छइ 2 त्ता आमिसेवकं हत्थिरयणं ठवेइ 2 त्ता आभिसेकाओ हत्थिरयणाओ पच्चोरुहइ 2 त्ता सोलस देवसहस्से सक्कारेइ सम्माणेइ स० 2 त्ता बत्तीसं रायसहस्से सक्कारेइ सम्माणेइ स० 2 त्ता सेणाव इरयणं सक्कारेइ सम्माणेइ स० 2 त्ता एवं गाहावइरयणं वडाइरयणं पुरोहियरयणं सक्कारेइ सम्माणेइ स० 2 त्ता तिण्णि सट्टे सूयसए सक्कारेइ सम्माणेइ स० 2 त्ता अट्ठारस सेणिप्पसेणीओ सक्कारेइ सम्माणेइ स० 2 जा अण्णेवि बहवे राईसर जाव सत्थवाहप्पमिइओ सक्कारेइ सम्माणेइ स० 2 त्ता पडिविसज्जेइ, इत्थीरयणेणं बत्तीसाए उडुकल्लाणियासहस्सेहिं बत्तीसाए जणवयकल्लाणियासहस्सेहिं बत्तीसाए बत्तीसइबद्धेहिं णाडयसहस्सेहिं सद्धिं संपरिबुडे भवणवरवडिंसगं अईइ जहा कुबेरोव्व देवराया केलाससिहरि सिंगभूयंति, तए णं से भरहे राया मित्तणाइणियगसयणसंबंधिपरियणं पच्चुवेक्खइ 2 त्ता जेणेव मजणघरे तेणेव उवागच्छइ 2 त्ता जाव मजणघराओ पडिणिक्खमइ 2 त्ता जेणेव भोयणमंडवे तेणेव उवागच्छइ 2 ता भोयणमंडवंसि सुहासणवरगए अट्ठमभत्तं पारेइ 2 त्ता उप्पिं पासायवरगए फुट्टमाणेहिं मुइंगमस्थएहिं बत्तीसइबद्धेहिं णाडएहिं उवलालिजमाणे 2 उवणच्चिजमाणे 2 उवगिजमाणे 2 महया जाव भुंजमाणे विहरइ // 67 / / तए, णं तस्स भरहस्स रण्णो अण्णया कयाइ रजधुरं चिंतेमाणस्स इमेयारूवे जाव समुप्पज्जित्था-अभिजिए णं मए णियगबलवीरियपुरिसकारपरकमेण चुल्लहिमवंतगिरिसागरमेराए केवलकप्पे भरहे वासे तं सेयं खलु मे अप्पाणं महया 2 रायाभिसेएणं अभिसेएणं अभिसिंचावित्तएत्तिकट्ट एवं संपेहेइ २त्ता कल्लं पाउप्पभायाए जाव जलंते जेणेव मजणघरे जाव पडिणिक्खमइ 2 त्ता जेणेव बाहिरिया उवट्ठाणसाला जेणेव सीहासणे तेणेव उवागच्छइ 2 त्ता सीहासणवरगए पुरत्थाभिमुहे णिसीयइ णिसीइत्ता सोलस देवसहस्से बत्तीसं रायवरसहस्से सेणावइरयणे जाव पुरोहियरयणे तिण्णि सट्टे सूयसए अट्ठारस सेणिप्पसेणीओ अण्णे य बहवे राईसरतलवर जाव सत्थवाहप्पभियओ सद्दावेइ 2 त्ता एवं वयासी-अभिजिए णं देवाणुप्पिया ! मए णियगबलवीरिय जाव केवलकप्पे भरहे वासे तं तुब्भे णं देवाणुप्पिया! ममं महया रायाभिसेयं वियरह, तए णं ते सोलस देवसहस्सा जाव