________________ 1256 अनंगपविट्ठसुत्ताणि तहा जाव थणियकुमाराणं ताव भाणियव्वा / पुढ विकाइयाणं भंते ! केवइया ओरालियसरीरा पण्णत्ता ? गोयमा! दुविहा पण्णत्ता ! तंजहा-बद्धेल्लया य 1 मुक्केलया य 2 / एवं जहा ओहिया ओरालियसरीरा तहा भाणियव्वा / पुढविकाइयाणं भंते ! केवइया वेउव्वियसरीरा पण्णत्ता? गोयमा! दुविहा पण्णत्ता / तंजहा-बद्धेलया य१ मुक्केल्लया य 2 / तत्थ णं जे ते बद्धेल्लया ते णं णत्थि / मुक्केल्लया जहा ओहियाणं ओरालियसरीरा तहा भाणियव्वा / आहारगसरीरा वि एवं चेव भाणियव्वा / तेयगकम्मगसरीराजहा एएसिं चेव ओरालियसरीरातहा भाणियव्वा / जहा पुढ विकाइयाणं एवं आउकाइयाणं तेउकाइयाण य सव्वसरीरा भाणियव्वा / वाउकाइयाणं भंते ! केवइया ओरालियसरीरा पण्णत्ता ? गोयमा ! दुविहा पण्णत्ता / तंजहा-बद्धेल्लय य 1 मुक्केल्लया य 2 / जहा पुढविकाइयाणं ओरालियसरीरा तहा भाणियव्वा / वाउ. काइयाणं० केवइया वेउव्वियसरीरा पण्णत्ता ? गोयमा ! दुविहा पण्णत्ता / तंजहा. बलिया य 1 मुक्केल्लया य 2 / तत्थ णं जे ते बद्धेल्लया ते णं असंखिजा, समए समए अवहीरमाणा खेत्तपलिओवमस्स असखिजहभागमेत्तेणं कालेणं अवहीरंति, णो चेव णं अवहिया सिया। मुक्केल्लया वेउव्वियसरीरा आहारगसरी र? य जहा पुढविकाइयाणं तहा भाणियव्वा / तेयगकम्मगसरीरा नहा पुढ विकाइयाणं तहा भाणियव्वा / वणस्सइकाइयाणं ओरालियवेउव्वियआहारगसर्र,रा जहा पुढविकाइयाणं तहा भाणियव्वा / वणस्सइकाइयाणं भंते ! केवइया तेयगसरीरा पण्णत्ता ? गोयमा दुविहा पण्णत्ता। नहा ओहिया तेयगकम्मगसरीरा तहा वणस्सइकाइयाण वि तेयगकम्मगसरीरा भाणियव्वा / बेइंदियाणं भंते ! केवइया ओरालियसरीरा पण्णत्ता ? गोयमा ! दुविंहा पणत्ता / तंजहा-बद्धेलया य 1 मुक्केलया य 2 / तत्थ णं जे ते बद्धेल्लया ते णं असंखिजा, असंखिजाहिं उस्सप्पिणीओसप्पिणीहिं अवहीरंति कालओ, खेत्तओ असंखेजाओ सेढीओ पयरस्स असंखिजइभागो, तासि णं सेढीणं विक्खभसूई असंखेजाओ जोयणकोडाकोडीओ, असंखिजाई सेढिवग्गमूलाई, बेइंदियाणं ओरालियबद्धेल्लएहिं पयरं अवहीरइ असंखिजाहि उस्सप्पिणीओसप्पिणीहिं कालओ, खेत्तओ अंगुलपयरस्स आवलियाए असंखिजइभागपडिभागेणं / मुक्केलया जहा ओहिया ओरालियसरीरा तहा भाणियव्वा / वेउव्वियआहारगसरीरा वद्धेल्लया णत्थि / मुक्केल्लया जहा ओहिया ओरालियसरीरा तहा भाणियव्वा / तेयगकम्मगसरीरा जहा एए सिं चेव ओरालियसरीरा तहा भाणियब्वा / नहा बेइंदियाणं तहा तेइंदियचउरिंदियाण वि * भाणियत्वा /
