________________ अणुओगदारसुत्तं-कालप्पमाणे 1255 उम्माप्पणीओसप्पिणीहि अवहीरंति कालओ, खेत्तओ अणंता लोगा, दव्यओ सिद्धेहिं अणंतगुणा, सव्वर्ज वाणं अणंतभागूणा / तत्थ ण जे ते मुव केल्लया ते णं अणंता, भणंताहिं उस्सप्पिणीओसप्पिणीहिं अवहीरंति कालओ, खेत्तओ अणंता लोगा, दव्यओ सयजीवहिं अणंतगुणा, सवजीववग्गरस अणंतभागो / केवइया णं भंते ! कम्मगसरीरा पण्णत्ता ? गोयमा ! दुविहा पण्णत्ता। तंजहा-बद्धेलया य 1 मुकेल्लया य 2 / जहा तेयगसरीरा तहा-कम्मगसरीरा वि भाणियवा / णेरइयाणं मंते ! केवइया ओरालियसरीरा पण्णत्ता ? गोयमा ! दुविहा पण्णत्ता / तंजहा-बद्धे. लया य 1 मुक्केलया य 2 / तत्थ ण जे ते बद्धेलया ते णं णस्थि / तत्थ णं जे ते मुक्केल्लया ते जहा ओहिया ओरालियसरीरा तहा भाणियत्वा / णेरइयाण मंते ! केवइया वेउब्वियसरीरा पण्णत्ता ? गोयमा! दुविहा पण्णत्ता। तंजहा-बद्धेल्लया य 1 मुक्केल्लया य 2 / तत्थ णं जे ते बद्धलया ते णं असंखिजा, असंखिजाहिं उस्सप्पिणीओसप्पिणीहि अवहीरंति कालओ, खेत्तओ असंखेजाओ सेढीओ पयरस्स असंखिजहभागो, तासि.णं सेढीणं विक्खभसूई अंगुलपढमवग्गमूलं बिइयवग्गमूलपटुप्पण्णं, अहवा णं अंगुलबिइयवग्गमूलघणपमाणमेत्ताओ सेई ओ / तत्थ णं जे ते मुक्केल्लया ते णं जहा ओहिया ओरालियसरीरा तहा भाणियत्वा / णेरइयाणं भंते ! केवइया आहारगसरीरा पण्णत्ता ? गोयमा ! दुविहा पण्णत्ता। तंजहा-बद्धेल्या य 1 मुक्केल्लया य 2 / तत्थ णं जे ते बद्धेलया ते णं णस्थि / तत्थ णं जे ते मुक्केलया ते नहा ओहिया तहा भाणियव्वा / तेयगकग्मगसरीरा जहा एएसिं चेव वेउव्वियसरीरा तहा भाणि यया / असुरखुमाराण भंते ! केवइया ओरालियरा पण्णत्ता ? गोयमा ! जहा गैरइयाणं ओरालियसरीरा तहा भाणियव्वा / असुरकुमाराणं भंते ! केवइया वेउव्वियसरीरा पण्णत्ता ? गोयमा ! दुविहा पण्णत्ता / तंजहा-बद्धेल्लया य 1 मुक्वेल्लया य 2 / तत्थ णं जे ते बद्धेल्लया ते णं असंखिज्जा, असंखिजाहिं उस्सप्पिणीओसप्पिणीहिं अवहीरंति कालओ, खेत्तओ असंखेजाओ सेढीओ पयरस्स असंखिजइभागो,तासि णं सेढीणं विक्खंभसूई अंगुलपटमवन्गमूलस्स असंखिजइभागो / मुक्केलया जहा ओहिया ओरालियसरीरा / असुरकुमाराणं भंते ! केवइया आहारगसरीरा पण्णत्ता ? गोयमा ! दुविहा पण्णत्ता / तंजहा-बद्धेल्लया य 1 . मुक्केल्लया य 2 / जहा एएसिं चेव ओरालियसरीरा तहा भाणियव्वा / तेयगकम्मगसरीरा जहा एएसिं चेव वेउव्वियसरीरा तहा भाणियव्वा / जहा असुरकुमाराणं
