________________ अनंगपविट्ठसुत्ताणि दिव्वा य छत्तपडागा जाव संपट्ठिया, तयणंतरं च णं वेरुलियभिसंतविमलदंडं जाव अहाणूपुवीए संपट्ठिय, तयणंतरं च णं सत्त एगिदियरयणा पुरओ अहाणपुव्वीए संपट्ठिया, तं०-चक्करयणे 1 छत्तरयणे 2 चम्मरयणे 3 दंडरयणे 4 असिरयणे 5 मणिरयणे 6 कागणिरयणे 7, तयणंतरं चणं णव महाणिहिओ पुरओ अहाणुपुवीए संपट्टिया, तंजहा-णेसप्पे पंडुयए जाव संखे, तयणंतरं च णं सोलस देवसहस्सा पुरओ अहाणुपुव्वीए संपट्ठिया, तयणंतरं च णं बत्तीसं रायवरसहस्सा पुरओ अहाणुपुवीए संपट्ठिया, तयणंतरं च णं सेणावइरयणे पुरओ अहाणुपुवीए संपट्ठिए, एवं गाहावइरयणे वड्डइरयणे पुरोहियरयणे, तयणंतरं च णं इत्थिरयणे पुरओ अहाणुपुवीए०, तयणंतरं च णं वत्तीसं उडुकल्लाणियासहस्सा पुरओ अहाणुपुवीए०, तयणंतरं च णं बत्तीसं जणवयकल्लाणियासहस्सा पुरओ अहाणुपुवीए०, तयणंतरं च णं बत्तीसं बत्तीसइबद्धा णाडगसहस्सा पुरओ अहाणुपुवीए०, तयणंतरं च णं तिण्णि सट्टा सूयसया पुरओ अहाणुपुवीए०, तयणंतरं च णं अट्ठारस सेणिप्पसेणीओ पुरओ०, तयणंतरं च णं चउरासीई आससयसहस्सा पुरंओ०, तयणंतरं च णं चउरासीई हथिसयसहस्सा पुरओ अहाणुपुव्वीए०, तयणंतरं च णं चउरासीई रहसयसहस्सा पुरओ अहाणुपुवीए०, तयणंतरं च णं छण्णउई मणुस्सकोडीओ पुरओ अहाणुपुवीए संपट्ठिया, तयणंतरं च णं वहवे राईसरतलवर जाव सत्थवाहप्पभिइओ पुरओ अहाणुपुटवीए संपट्ठिया, तयणंतरं च णं बहवे असिग्गाहा लट्ठिग्गाहा कुंतग्गाहा चावग्गाहा चामरग्गाहा पासम्गाहा फलगग्गाहा परसुग्गाहा पोत्थयग्गाहा वीणग्गाहा कूयग्गाहा हडप्फग्गाहा दीवियगाहा सएहिं सएहिं स्वेहि, एवं वेसेहि चिंधेहिं णिओएहिं सएहिं 2 क्त्येहिं पुरओ अहाणुपुवीए संपट्ठिया, तयणंतरं च णं बहवे दंडिणो मुंडिणो सिहंडिणों जडिणो पिच्छिणो हासकारगा खेड्डकारगा दवकारगा चाडुकारगा कंदप्पिया कुक्कुइया मोहरिया गायंता य दीवंता य (वायंता) णच्चंता * य हसता य रमंता य कीलंता य सासेंता य सार्वता य जाता य रावेंता य सोभैता य सोभावेंता य आलोयंता य जयजयसदं च पउंजमाणा पुरओ अहाणुपुब्धीए संपट्ठिया, एवं उववाइयगमेणं जाव तस्स रण्णो पुरओ महआसा आसधरा उभओ पासिं णागा णागधरा पिट्ठओ रहा रहसंगेल्ली अहाणुपुवीए संपडिया। तए णं से भरहाहिवे णरिंदे हारोत्थयसुकयरइयवच्छे जाव अमरवइसण्णिभाए इडीए पहियकित्ती चक्करयणदेसियमग्गे अणेगरायवरसहस्साणुयायमग्गे जाव समुद्दखभूयं पिव करेमाणे सव्विड्डीए सव्वज्जुईए जाव णिग्घोसणाइयरवेणं गामागरणगरखेडकब्बडमडंब
