________________ 1232 अनंगपविट्ठसुत्ताणि सोत्तिए, कप्पासिए, भंडवेयालिए, कोलालिए / सेत्तं कम्मणामे / से किं तं सिप्पणामे ? सिप्पणामे-(वस्थिए, तंतिए) तुण्णए,तंतुवाए,पट्टकारे,उएट्टे,वरुडे, मुंजकारे, कट्टकारे, छत्तकारे, वज्झकारे, पोत्थकारे, चित्तकारे, दंतकारे, लेप्पकारे, सेलकारे, कोट्टिमकारे / सेत्तं सिप्पणामे / से किं तं सिलोयणामे ? सिलोयणामे-समणे,माहर्ण, सव्वातिही। सेत्तं सिलोयणामे / से किं तं संजोगणामे ? संजोगणाम-रण्णो ससुरए, रण्णो जामाउए, रण्णो साले, रष्णो भाउए, रण्णो भगिणीवई / सेत्तं संजोगणामे / से किं तं समीवणामे ? समीवणामे-गिरिसमीवे जयरं-गिरिणयरं, विदिसासीवे णयरं-वेदिसं णयर, वेण्णाए समीवे णयरं-बेण्णायडं, तगराए समीवे णयरं-तगरयडं। सेत्तं समीवणामे / से किं तं संजूहणामे ? संजूहणामे-तरंगवइक्कारे, मलयवइकारे, अत्ताणुसटिकारे, बिंदुकारे / सेत्तं संजूहणामे / से किं तं ईसरियणामे ? ईसरियणामे-राईसरे, तलवरे, माडंबिए, कोडुबिए, इब्भे, सेट्ठी, सत्यवाहे, सेणावई / सेत्तं ईसरियणामे / से किं तं अवच्चणामे ? अवचणामे-अरिहंतमाया, चक्कवट्टिमाया, बलदेवमाया, वासुदेवमाया, रायमाया, मुणिमाया, वायगमाया। सेत्तं अवच्चणामे / सेत्तं तद्धियए / से किं तं धाउए ? धाउए-भू सत्ताया परस्मैभाषा, एधे वृद्धौ, स्पर्द्ध संघर्षे, गाध प्रतिष्ठालिप्सयोर्ग्रन्थे च, बाधे लोडने / सेत्तं धाउए। से किं तं णिरुत्तिए 1 णिरुत्तिए-मह्यां शेते-महिषः, भ्रमति च रौति च-भ्रमरः, मुंहमुहर्लसतीति-मुसलं, कॅपेरिव लम्बते त्थेति च करोति-कपित्थं, चिदिति करोति खलं च भवति-चिक्खलं, ऊर्वकर्णः-उलूकः, मेखस्य माला-मेखला / सेत्तं णिरुत्तिए / सेत्तं भावप्पमाणे / सेत्तं पमाणणामे / सेत्तं दसणामे / सेत्तं णामे // 131 // णामेति पयं समत्तं // से किं तं पमाणे ? पमाणे चउविहे पण्णत्ते / तंजहा-दव्वप्पमाणे 1 खेत्तप्पमाणे 2 कालप्पमाणे 3 भावप्पमाणे 4 // 132 // से किं तं दव्वप्पमाणे ? दव्वप्पमाणे दुविहे पण्णत्ते / तंजहा-पएसणिप्फण्णे य 1 विभागणिप्फण्णे य 2 / 1 भू सत्ताए ‘परस्मै०' अद्धमागहीए णत्थि, 2 एह वुड्डीए, 3 फद्ध संघरिसे 4-5 एए 'सक्कए' अद्धमागहीए एएसिं ठाणे अण्णा पउज्जंति / 1 महीए सुवइमहिसो, 2 भमइ य वह य-भमरो, 3 मुहं मुहूं लसइ त्ति मुसलं, 4-5 'सक्कए' अदमागहीए जहा हेट्ठा, 6 उड्डकण्णो-उलूओ, 7 मेखस्स माला-मेखला /
