________________ 1188 अनंगपविट्ठसुत्ताणि अज्झयणा, पणयालीसं उद्देसणकाला, पणयालीसं समुद्देसणकाला, संखेजाई पयसहस्साई पयग्गेणं, संखेजा अक्खरा, अणंता गमा, अणंता पजवा, परित्ता तसा, अणंता थावरा, सासयकडणिबद्धणिकाइया जिणपण्णत्ता भावा आधविज्जंति, पण्ण विज्जंति, परूविज्जंति, दंसिज्जंति, णिदंसिज्जंति, उवदंसिज्जंति, से एवं आया, एवं णाया, एवं विण्णाया, एवं चरणकरणपरूवणा आघविजइ, सेंत्तं पण्हावागरणाई 10 // 55 // से किं तं विवागसुयं ? विवागसुए ण सुकडदुक्कडाणं कम्माणं फल. विवागे आघविजइ, तत्थ णं दस दुहविवागा दसं सुहविवागा। से किं तं दुइविवागा ? दुहविवागेसु णं दुहविवागाणं णगराइं, उजाणाई, वणसंडाइं चेइयाई, समोसरणाई, रायाणो, अम्मापियरो, धम्मायरिया, धम्मकहाओ, इहलोइयपरलोइया, इड्डिविसेसा, णिरयगमणाई, संसारभवपवंचा, दुहपरंपराओ, दुकुलपञ्चायाईओ, दुल्लबोहियत्तं आघविजइ, सेत्तं दुहविवागा / से किं तं सुइविवागा ? सुहविवागेसु णं सुहविवागाणं णगराई, उजाणाई, वणसंडाई चेइयाई, समोसरणाई, रायाणो, अम्मापियरो, धम्मायरिया, धम्मकहाओ, इहलोइयपरलोइया. इडिविसेसा, भोगपरिचागा, पव्वजाओ, परियागा, सुयपरिग्गहा, तवोवहाणाई, संलेहणाओ, भत्तपञ्चक्खाणाइं पाओवगमणाई, देवलोगगमणाई, सुहपरंपराओ, सुकुलपञ्चायाईओ, पुणबोहिलामा, अंतकिरियाओ आघविज्जति / विवागसुयस्स णं परित्ता बायणा, संखेजा अणुओगदारा, संखेजा वेढा; संखेजा सिलोगा, संखिजाओ णिज्जुत्तीओ, संखिजाओ संगहणीओ, संखिजाओ पडिवत्तीओ / सेणं अंगट्टयाए इक्कारसमे अंगे, दो सुयक्खंधा, वीसं अज्झयणा, वीसं उद्देसणकाला, वीसं समुद्देसणकाला, संखिजाई पयसहस्साई पयग्गेणं, संखेजा अक्खरा, अणंता गमा, अणंता पजवा, परित्ता तसा, अणंता थावरा, सासयकडणिबद्धणिकाइया जिणपण्णत्ता भावा आप विति, पण्णविज्जति, परूविज्नंति, दंसिज्जंति, णिदंसिज्जंति, उवदंसिज्जंति, से एवं आया, एवं णाया, एवं विण्णाया, एवं चरणकरणपरूवणा आघविजइ, सेत्तं विवागसुयं 11 // 56 // से किं तं दिट्ठिवाए ? दिट्टिबाए णं सव्वभावपरूवणा आघविजइ, से समासओ पंचविहे पण्णत्ते, तंजहा-परिकम्मे 1, सुत्ताई 2, पुव्वगए 3, अणुओगे 4, चूलिया 5 / से किं तं परिकम्मे 1 परिकम्मे सत्तविहे पण्णत्ते, तंजहासिद्धसेणियापरिकम्मे 1, मणुस्ससेणियापरिकम्मे 2, पुट्टसेणियापरिकम्मे 3, ओगाढ. सेणियापरिकम्मे 4, उपसंपजणसेणियापरिकम्मे 5, विप्पनहणसेणियापरिक मे 6,
