________________ 1184 अनंगपविट्ठसुत्ताणि जाओ पडिवत्तीओ, से णं अंगट्ठयाए पढमे अंगे, दो सुयक्खंधा पणवीसं अज्झयणा, पंचासीइ उद्देसणकाला, पंचासीइ समुद्देसणकाला, अट्ठारस पयसहस्साई पथग्गेणं संखिजा अक्खरा, अणंता गमा, अर्णता पजवा, परित्ता तसा, अर्णता थावरा, सासयकडणिबद्धणिकाइया जिणपण्णत्ताभावा आघविज्जति, पणविज्जंति, परूविज्जति, दंसिज्जंति, णिदंसिज्जंति,उवदंसिज्जंति, से एवं आया, एवं णाया, एवं विण्णाया, एवं चरणकरणपरूवणा आघविजइ, सेत्तं आयारे 1 // 46 // से किं तं सूयगडे ! सूयगडे णं लोए सूइजइ, अलोए सूहजइ, लोयालोए सूइजइ, जीवा सूइज्जंति, अजीवा सूइज्जंति, जीवाजीवा सूइज्जति, ससमए सूइजइ, परसमए सूइज्जइ, ससमयपरसमए सूइजइ, सूयगडे णं असीयस्स किरियावाइसयस्स, चउरासीईए अकिरियावाईणं, सत्तट्ठीए अण्णाणियवाईण; बत्तीसाए वेणइयवाईणं, तिण्हं तेसट्टाणं पासंडियसयाणं वूह किच्चा ससमए ठाविजइ, सूयगडे णं परित्ता वायणा, संखेजा अणुओगदारा, संखेजा वेढा, संखेजा सिलोगा, संखिजाओ णिज्जुत्तीओ, संखिबाओ संगहणीओ, संखिजाओ पडिवत्तीओ, सेणं अंगट्टयाए बिइए अंगे, दो सुयक्खंधा, तेवीसं अज्झयणा, तित्तीसं उद्देसणकाला, तित्तीसं समुद्देसणकाला, छत्तिसं पयसहस्साइं पयग्गेणं, संखिजा अक्खरा, * अणंता गमा, अणंता पजवा, परित्ता तसा, अणंता थावरा, सासयकडणिबद्धणिकाइया जिणपण्णत्ता भावा आघविज्जति,पण्णविज्जति, परूविज्जंति, दंसिज्जति, णिदंसिज्जंति, उवदंसिज्जंति, से एवं आया, एवं णाया, एवं विण्णाया, एवं चरणकरणपरूवणा आधविजइ, सेत्तं सूयगडे 2 // 47 // से किं तं ठाणे ? ठाणे ण जीवा ठाविज्जति, अजीवा ठाविज्जति, जीवाजीवा ठाविज्जंति, ससमए ठाविजइ, परसमए ठाविजइ, ससमयपरसमए ठाविजइ, लोए ठाविजइ, अलोए ठाविजइ, लोयालोए ठाविजइ / ठाणे णं टंका, कूडा, सेला, सिहरिणो, पन्भारा, कुंडाई, गुहाओ, आगरा, दहा, गईओ, आध. विज्जति / ठाणे णं एगाइयाए एगुत्तरियाए बुड्डीए दसट्ठाणगविवडियाणं भावाणं परूवणा आघविजइ / ठाणे णं परित्ता वायणा, संखेजा अणुओगदारा, संखेजा वेढा, संखेजा सिलोगा, संखेजाओ णिज्जुत्तीओ, संखेजाओ संगहणीओ, संखेजाओ पडिवत्तीओ / से ण अंगट्टयाए तइए अंगे, एगे सुयक्खंधे, दस अज्झयणा, एगवीसं उद्देसणकाला, एकवीसं समुद्देसणकाला, बावत्तरि पयसहस्सा पयम्गेणं, संखेजा अक्खरा, अणंता गमा, अणंता पजवा, परित्ता तसा, अणंता थावरा, सासयकड णिबद्धणिकाइया जिणपण्णत्ता भावा आघविज्जंति, पण्णविज्जंति, परूविज्जति, दंसि
