________________ 1180 अनंगपविट्ठसुत्ताणि तओ णं धारद संखेज वा कालं असंखेज वा कालं / से जहाणामए केइ पुरिसे अव्वत्तं रसं आसाइजा, तेणं रसेत्ति उग्गहिए, णो चेवणं जाणइ के वेस रसेत्ति;तओ ईहं पविसइ, तओ जाणइ अमुगे एस रसे; तओ अवायं पविसइ, तओ से उवगयं हवइ; तओ धारणं पविसइ, तओ णं धारेइ संखिज्ज वा कालं असंखिज्जं वा कालं। से जहाणामए केइ पुरिसे अव्वत्तं फासं पडिसंवेइजा, तेणं फासेत्ति उग्गाहए, जो चेवण जाणइ के वेस फासओत्ति, तओ ईहं पविसइ तओ जाणइ अमुगे एस फासे; तओ अवायं पविसइ, तओ से उवगयं हवइ; तओ धारणं पविसइ, तओ ण धारेइ संखेज्जं वा कालं असंखेज्ज वा कालं / से जहाणामए केइ पुरिसे अव्वत्त सुमिणं पासिजा, तेणं सुमिणेत्ति उग्गहिए, णो चेव णं जाणइ के वेस सुमिणेत्ति; तओ ईहं पविसइ, तओ जाणइ अमुगे एस सुमिणे; तओ अवायं पविसइ, तओ से उवगयं हवह; तओ धारणं पविसइ, तओ णं धारेइ संखेज्जं वा कालं असंखेज वा कालं / सेत्तं मल्लगदिटुंतेणं // 36 // तं समासओ चउव्विहं पण्णत्तं, तंजहा-दव्वओ, खित्तओ, कालओ, भावओ। तत्थ दवओ णं आभिणि बोहियणाणी आएसेणं सव्वाई दव्वाइं जाणइ, ण पासइ / खेत्तओ णं आभिणिबोहियणाणी आएसेणं सव्वं खेत्तं जाणइ, ण पासइ / कालओ णं आभिणिबोहियणाणी आएसेणं सव्वं कालं जाणइ, ण पासइ / भावओणं आमिणिबोहियणाणी आएसेणं सव्वे भावे जाणइ, ण पासइ / उग्गह ईहाऽवाओ, य धारणा एव हुँति चत्तारि / आभिणिबोहियणाणस्स, भेयवत्थू समासेणं // 82 // अत्थाणं उग्गहणम्मि उग्गहो, तह वियालणे ईहा / ववसायम्मि अवाओ, धरणं पुण धारणं विति // 83 // उग्गह इक्कं समयं, ईहावाया मुहुत्तमद्धं तु / कालमसंख संख, च धारणा होइ णायव्वा // 84 // पुढे सुणेइ सइं, रूवं पुण पासइ अपुढे तु / गंधं रसं च फासं च, बद्धपुढे वियागरे / 85 / / भासासमसेढीओ, सदं जं सुणइ मीसियं सुणइ / वीसेढी पुण सदं, सुणेई णियमा पराघाए // 86 // ईहा अपोह वीमंसा, मग्गणा य गवेसणा। सण्णा सई मई पण्णा, सव्वं आभिणिबोहियं // 87 // सेत्तं आमिणिबोहियणाणपरोक्खं सेत्तं महणाणं / / 37 // से किं तं सुयणाणपरोक्ख ? सुयणाणपरोक्ख चोद्दसविहं पण्णत्तं, तं०-अक्खरसुयं 1, 1 पाढंतरगाहा-अत्थाणं उग्गहणं, च उग्गहं तह वियालणं ईहं / ववसाय च अवायं, धरणं पुण धारणं विति // 1 //
