________________ 1176 अनंगपविट्ठसुत्ताणि विउलतरागं विसुद्धतरागं वितिमिरतरागं जाणइ पासइ / भावओ णं उज्जुमई अणते भावे जाणइ पासइ, सव्वभावाणं अणंतभागं जाणइ पासइ, तं चेव विटलमई अभहियतरागं विउलतरागं विसुद्धतरागं वितिमिरतरागं जाणइ पासइ / मणपजवणाणं पुण, जणमणपरिचिंतियत्थपागडणं / माणुसखित्तणिबद्धं, गुणपञ्चइयं चरित्तवओ // 65 // सेत्तं मणपजवणाणं // 18 // से किं तं केवलणाणं? केवलणाणं दुविहं पण्णत्तं, तंजहा-भवत्थकेवलणाणं च सिद्धकेवलणाणं च / से किं तं भवत्थकेवलणाणं ? भवत्थकेवलणाणं दुविहं पण्णत्तं, तंजहा-सजोगिभवत्थकेवलणाणं च अजोगिभवत्थकेवलणाणं च / से किं तं सजोगिभवत्थकेवलणाणं? सजोगिभवत्थकेवलणाणं दुविहं पण्णत्तं, तंजहा-पढमसमयसजोगिभवत्थकेवलणाणं च अपदमसमयसजोगिभवत्थकेवलणाणं च, अहवा चरमसमयसजोगिभवत्थकेवलणाणं च अचरमसमय जोगिभवत्थकेवलणाणं च, सेत्तं सजोगिभवत्थकेवलणाणं / से किं तं अजोगिभवत्थकेवलणाणं ? अजोगिभवत्थकेवलणाणं दुविहं पण्णत्त, तंजहा-पढमसमयअनोगिभवस्थकेवलणाणं च अपढमसमयअजोगिभवत्थकेवलणाणं च,अहवा चरमसमयअजोगिभवत्थकेवलणाणं च अचरमसमयअजोगिभवत्थकेवलणाणं च, सेत्तं अजोगिभवत्थकेवलणाणं, सेत्तं भवत्थकेवलणाणं // 19 // से किं तं सिद्ध केवलणाणं ? सिद्ध. केवलणाणं दुविहं पण्णत्तं, तंजहा-अणंतरसिद्ध केवलणाणं च परंपरसिद्ध केवलणाणं च // 20 // से किं तं अणंतरसिद्ध केवलणाणं ? अणंतरसिद्ध केवलणाणं पण्णरसविहं पण्णत्तं, तंजहा-तित्थसिद्धा 1 अतित्थसिद्धा 2 तित्थयरसिद्धा 3 अतित्थयरसिद्धा 4 सयंबुद्ध सिद्धा 5 पत्तेयबुद्ध सिद्ध। 6. बुद्धबोहियसिद्धा 7 इथिलिंगसिद्धा 8 पुरिस. लिंगसिद्धा 9 णपुंसगलिंगसिद्धा 10 सलिंगसिद्धा 11 अण्णलिंगसिद्धा 12 गिहिलिंगसिद्धा 13 एगसिद्धा 14 अणेगसिद्धा 15, सेत्तं अणंतरसिद्ध केवलणाणं / से कि तं परंपरसिद्ध केवलणाणं ? परंपरसिद्ध केवलणाणं अणेगविहं पण्णत्तं, तंजहा-अपढमसमयसिद्धा, दुसमयसिद्धा, तिसमयसिद्धा, चउसमयसिद्धा जाव दससमयसिद्धा, संखिजसमयसिद्धा, असंखिजसमयसिद्धा, अणंतसमयसिद्धा, सेत्तं परंपरसिद्ध केवलगाणं / सेत्तं सिद्धकेवलणाणं // 21 // तं समासओ चउव्विहं पण्णत्तं, तंजहादव्वओ, खित्तओ, कालओ, भावओ। तत्थ दव्वओ णं केवलणाणी सव्वदव्वाई नाणइ पासइ / खित्तओ णं केवलणाणी सव्वं खित्तं जाणइ पासइ / कालओणं केवल गाणी सव्वं कालं जाणइ पासइ / भावओ णं केवलणाणी सव्वे भावे जाणइ पासइ /
