________________ नंदीसुत्तं-ओहिणाणं 1173 जहण्णं तु // 55 // सबबहुअगणिजीवा, णिरंतरं जत्तियं भरिन्जंसु / खित्तं सव्वादिसागं, परमोही खेत्तणिदिहो // 56 // अंगुलमावलियाणं, भागमसंखिज दोसु संखिजा / अंगुलमावलियंतो, आवलिया अंगुलपुहुत्तं // 57 // हत्थम्मि मुहुत्तंतो, दिवसंतो गाउयम्मि बोद्धव्वो / जोयणदिवसपुहत्त, पक्खंतो पण्णवीसाओ / / 58 // भरहम्मि भद्धमासो, जम्बूद्दीवम्मि साहिओ मासो / वासं च मणुयलोए, वासपुहुत्तं च रुयगम्मि / / 59 // संखिजम्मि उ काले, दीवसमुद्दावि हुंति संखिजा / कालम्मि असंखिज्जे, दीवसमुद्दा उ भइयव्वा // 60 // काले चउण्ह बुद्दी, कालो भइयवु खित्तवुडीए / बुड्डिए दव्वपजव, भइयवा खित्तकाला उ // 61 / / सुहुमो य होइ कालो, तत्तो सुहुमयरं हवा खितं / अंगुलसेढीमित्ते, ओसप्पिणिओ असंखिजा // 62 // सेत्तं वडमाणयं ओहिणाणं // 12 // से किं तं हीयमाणयं ओहिणाणं ? हीयमाणयं ओहिणाणं अप्पसत्येहिं अज्झवसायट्ठाणेहिं वट्टमाणस्स बट्टमाणचरित्तस्स संकिलिस्समाणस्स संकिलिस्समाणचरित्तस्स सव्वओ समंता ओही परिहायइ / सेत्तं हीयमाणयं ओहिणाणं // 13 // से किं तं पडिवाइओहिणाणं 1 पडिवाइओहिणाणं जहण्णेणं अंगुलस्स असंखिजयभागं वा संखिजयभागं वा, वालग्गं वा वालग्ग हुत्तं वा, लिक्खं षा लिक्खपुहुत्तं वा, जूयं वा जूयपुहुत्तं वा, जवं वा अवपुहुत्तं वा, अंगुलं वा अंगुलपुहुत्तं वा, पायं वा पायपुहुत्तं वा, विहत्थिं वा विहत्थिपुहुत्तं बा, रयणि वा रयणिपुहुत्तं वा, कुच्छेि वा कुच्छिपुहुत्तं वा, धणुं वा धणुपुहुत्तं वा, गाउयं वा गाउयपुहुत्तं वा, जोयणं वा जोयणपुहुत्तं वा, जोयणसयं वा जोयणसयपुहुत्तं वा, जोयणसहस्सं वा जोयणसहस्सपुहुत्तं वा, जोयणलवखं वा जोयणलवखपुहुत्तं वा, [जोयणकोडिं वा जोयणकोडिपुहुत्तं वा, जोयणकोडाकोडिं वा जोयणकोडाकोडिपुहुत्तं वा, जोयणसंखिज्नं वा जोयणसंखिजपुहुत्तं वा, जोयणअसंखेज्ज वा जोयणभसंखेजपुहुत्तं वा] उक्कोसेण लोगंवा पासित्ताणं पडिवइजा / सेत्तं पडिवाइओहिणाणं // 14 // से किं तं अपडिबाइओहिणाणं ? अपडिवाइओहिणाणं जेणं अलोगस्स एगमवि आगासपएसं नाणइ पासइ, तेण परं अपडिवाइओहिणाणं / सेत्तं अपडिवाइओहिणाणं . // .15 // तं समासओ चउन्विहं पण्णत्तं, तंजहा-दत्वओ, खित्तओ, कालओ, भावओ। तत्थ दवओ णं ओहिणाणी जहण्णेणं अणंताई रूविदव्वाइं जाणइ पासइ, उक्कोसेणं सव्वाइं रूविदव्वाइं जाणइ पासइ। वित्तओ णं ओहिणाणी जहण्णेणं अंगु. लस्स असंखिजहभागं जाणइ पासइ, उक्कोसेणं असंखिजाई अलोगे लोगप्पमाणमित्ताई
