________________ 1170 अनंगपविट्ठसुत्ताणि धम्म, संति कुंथं अरं च मल्लिं च / मुणिसुव्वयणमिणेमि, पासं तह बद्धमाणं च // 21 // पढमित्थ इंदभूई, बीए पुण होइ अग्गिभूइत्ति / तइए य वाउभूई, तओ वियत्ते सुहम्मे य // 22 // मंडियमोरियपुत्ते, अकंपिए चेव अयलभाया य / मेयज्जे य पहासे [य], गणहरा हुंति वीरस्स // 23 // णिबुइपहसासणयं, जयइ सया सव्वभावदेसणयं / कुसमयमयणासणयं, जिणिंदवरवीरसासणयं // 24 // सुहम्मं . अगिगवेसाणं, जंबूणामं च कासवं / पभवं कच्चायणं वंदे, वच्छं सिज्जंभवं तहा // 25 // जसभई तुंगियं वंदे, संभूयं चेव माढरं / भद्दबाहुं च पाइण्णं, थूलभदं च गोयमं // 26 // एलावच्चसगोत्तं, वंदामि महागिरि सुहत्थिं च / तत्तो कोसियगोत्तं, बहुलस्स सरिव्वयं वंदे // 27 // हारियगुत्तं साइं, च वंदिमो हारियं च सामज्जं / वंदे को सियगोतं, संडिल्लं अजजीयधरं // 28 // तिसमुद्दखायकित्तिं, दीवसमुद्देसु गहियपेयालं / वंदे अजसमुदं, अक्खुभियसमुद्दगंभीरं // 29 // भणगं करगं झरगं, पभावगं णाणदंसणगुणाणं / वंदामि अजमंगु, सुयसागस्पारगं धीरं // 30 // [वंदामि अजधम्म, तत्तो वंदे य भद्दगुत्तं च / तत्तो य अजवइरं, तवणियमगुणेहि बइरसमं // 31 // वंदामि अजरक्खिय-, खमणे रक्खियचरित्तसव्वस्से / रयणकरंडगभूओ, अणुओगो रक्खिओ जेहिं // 32 // ] गाणम्मि दंसणम्मि य, तवविणए णिचकालमुज्जुत्तं / अज्जं णंदिलखमणं, सिरसा वंदे पसण्णमणं // 33 // वड्डउ वायगवंसो, जसवंसो अजणागहत्थीणं / वागरणकरणभंगिय-, कम्मप्पयडीपहाणाणं // 34 // जच्चजणधाउसमप्पहाण, मुद्दियकुवलयणिहाणं / वउ वायगवसो, रेवइ. णक्खत्तणामाणं // 35 // अयलपुरा णिक्खंते, कालियसुयआणुओगिए धीरे / बंभद्दीवगीहे, वायगपयमुत्तमं पत्ते // 36 // जेसि इमो अणुओगो, पयरइ अजावि अड्डभरहम्मि। बहुणयरणिग्गयजसे, ते वंदे खंदिलायरिए // 37 // तत्तो हिमवंतमहंतविक्कमे, धिइपरक्कममणंते / सज्झायमणंतधरे, हिमवंते वंदिमो सिरसा // 38 // कालियसुयअणुओगस्स धारए, धारए य पुव्वाणं / हिमवंतखमासमणे, वंदे णागज्जुणायरिए // 39 // मिउमद्दवसंपण्णे, आणुपुविवायगत्तणं पत्ते / ओहसुयसमायारे, णागज्जुणवायए वंदे // 40 // [गोविंदाणंपि णमो, अणुओगे विउलधारिणिंदाणं / णिच्चं खंतिदयाणं, परूवणे दुलभिंदाणं // 41 // तत्तो य भूयदिण्णं, णिच्चं तवसंजमे अणिविण्णं / पंडियजणसामण्णं, वंदामो संजमविहिण्णु ॥४२॥]वरकणगतवियचंपग-,विमउलवरकमलगब्भसरिवण्णे / भवियजणहिययदइए, दयागुणविसारए धीरे // 43 // अड्डभरहप्पहाणे, बहुविहसज्झायसुमुणियपहाणे / अणु
