SearchBrowseAboutContactDonate
Page Preview
Page 55
Loading...
Download File
Download File
Page Text
________________ अनंगपविट्ठसुत्ताणि णं तीसे तिमिस्सगुहाए उत्तरिल्लस्स दुवारस्स कवाडा सयमेव महया 2 कोंचारखं करेमाणा सरसरस्स सगाई 2 ठाणाई पच्चोसक्कित्था // 55 // तेणं कालेणं तेणं समएणं उत्तरड्डभरहे वासे बहवे आवाडा णाम चिलाया परिवसंति अंड्ढा दित्ता वित्ता विच्छिण्णविउलभवणसयणासणजाणवाहणाइण्णा बहुधणबहुजायरूवरयया आओगपओगसंपउत्ता विच्छड्डियपउरभत्तपाणा बहुदासीदासगोमाहिसंगवेलगप्पभूया बहुजगस्स अपरिभूया सूरा वीरा विक्कंता विच्छिण्णविउलवलवाहणा बहुसु समरसंपराएसु लद्धलक्खा यांवि होत्था, तए णं तेसिमावाड चिलायाणं अण्णया कयाई विसयंसि बहूई उम्पाइयसयाई पाउन्भवित्था, तंजहा-अकाले गरिजयं अकाले विज्जुया अकाले पायवा पुष्फंति अभिक्खणं 2 आगासे देवयाओ णच्चंति, तए णं ते आवाडचिलाया विसयंसि बहूई उप्पाइयसयाई पाउन्भूयाई पासंति पासित्ता अण्णमण्णं सद्दावेंति २त्ता एवं वयासी-एवं खलु देवाणुपिया! अम्हं विसयंसि बहूई उप्पाइयसयाई पाउन्भूयाई तंजहा-अकाले गज्जियं अकाले विज्जुया अकाले पाया पुष्पंति अभिक्खणं 2 आगासे देवयाओ णच्चंति, तं ण णजइ णं देवाणुप्पिया ! अम्हं विसयस्स के मष्णे उवद्दवे भविस्सइत्तिक ओहयमणसंकप्पा चिंतासोगसागरं पविट्ठा करयलपल्हत्थमुहा अट्टज्झाणोवगया भूमिगयदिट्ठिया झियायंति, तए णं से भरहे राया चक्करयणदेसियमग्गे जाव समुद्दरवभूयं पिव करेमाणे 2 तिमिसगुहाओ, उत्तरिल्लेणं दारेणं णीइ ससिव्व मेहंधयारणिवहा, तए णं ते आवाडचिलाया भरहस्स रण्णो अग्गाणीयं एजमाणं पासंति 2 त्ता आसुरुत्ता रुट्ठा चंडिक्किया कुविया मिसिमिसेमाणा अण्णमण्णं सद्दावेंति 2 त्ता एवं वयासी-एस-णं देवाणुप्पिया ! केइ अपत्थियपत्थए दुरंतपंतलक्खणे हीणपुण्णचाउद्दसे हिरिसिरिपरिवज्जिए जे णं अम्हं विसयस्स उवरि विरिएणं हव्वमागच्छइ तं तहा णं घत्तामो देवाणुपिया ! जहा णं एस अहं विसयस्स उवरिं विरिएणं णो हव्वमागच्छइत्तिकटटु अण्णमण्णस्स अंतिए एयमढें पडिसुणेति २त्ता सण्णद्धबद्धवम्मियकवया उ-पीलियसरासणपट्टिया पिणद्धगेविजा बद्धआविद्धविमलवरचिंधपट्टा गहियाउहपहरणा जेणेव भरहस्स रण्णो अग्गाणीयं तेणेव उवागच्छंति 2 त्ता भरहस्स रण्णो अग्गाणीएण सद्धिं संपलग्गा यावि होत्था, तए णं ते आवाडचिलाया भरहस्स रण्णो अग्गाीय हयमहियपवरवीरघाइयविवडियचिंधद्धयपडागं किच्छप्पाणोवगयं दिसोदिसिं पडिसेहिति // 56 // तए णं से सेणाबलस्स-णेया वेढो जाव भरहस्स रण्णो अग्गाणीयं आवाडचिलाएहिं हयमहियपवरवीर जाव दिसोदिसि पडिसेहियं पासइ 2 त्ता आसुरुत्ते रुढे चंडिक्किए कुविए मिसिमिसेमाणे
SR No.004389
Book TitleAnangpavittha Suttani Bio Suyakhandho
Original Sutra AuthorN/A
AuthorRatanlal Doshi, Parasmal Chandaliya
PublisherAkhil Bharatiya Sadhumargi Jain Sanskruti Rakshak Sangh
Publication Year1984
Total Pages746
LanguageSanskrit
ClassificationBook_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size13 MB
Copyright © Jain Education International. All rights reserved. | Privacy Policy