________________ उत्तरज्झयणसुत्तं अ. 29 1135 // 32 // अकसायमहक्खायं, छउमत्थस्स जिणस्स वा / एयं चयरित्तवरं, चारित्तं होइ आहियं // 33 / / तवो य दुविहो वुत्तो, बाहिरभंतगे तहा। बाहिरो छविहो श्रुत्तो, एवमभतरो तवो // 34 / / णाणेण जाणई भावे, दंसणेण य सद्दहे / चरित्तेण णिगिण्हाइ, तवेण परिसुज्झई // 35 // खवेत्ता पुव्वकम्माई, संजमेण तवेण य। सव्वदुक्खपहीणट्ठा, पक्कमंति महे सिणो // 36 // त्ति-बेमि // इति मोवखमग्गगई णामं अट्ठावीसइमं अज्झयणं समत्तं // 28 // - अह सम्मत्तपरक्कम णामं एगूणतीसइमं अज्झयणं सुयं मे आउसं ! तेणं भगवया एवमक्खायं / इह खलु सम्मत्तपरकमे णाम अज्झयणे समणेणं भगक्या महावीरेणं कासवेणं पवेइए जं सग्मं सद्दहित्ता पत्तिइत्ता रोयइत्ता फासित्ता पालइत्ता त रित्ता कित्तइत्ता सोहइत्ता आराहित्ता आणाए अणुपालइत्ता बहवे जवा सिझंति बुझंति मुच्चंति परिणिव्वायंति सव्वदुक्खाणमंतं करेंति / तस्स णं अयमढे एवमाहिजइ / तंजहा-संवेगे 1 णिवेए 2 धम्मसद्धा 3 गुरुसाहम्मियसुस्सूसणया 4 आलोयणया 5 जिंदणया 6 गरिहणया 7 सामाइए 8 चउव्वीसत्थवे 9 वंदणे 10 पडिकमणे 11 काउस्सन्गे 12 पच्चवखाणे 13. थवथुइमंगले 14 कालपडिलेहणया 15 पायच्छित्तकरणे 16 खमावणया 17 सज्झाए 18 वायणया 19 पुच्छणया 20 परियट्टणया 21 अणुप्पेहा 22 धम्मकहा 23 सुयस्स आराहणया 24 एगग्गमणसंणिवेसणया 25 संजमे 26 तवे 27 वोदाणे 28 सुहसाए 29 अप्पडिबद्धया 30 विवित्तसयणासणसेवणया 31 विणियट्टणया 32 संभोगपच्चक्खाणे 33 उवहिपच्चक्खाणे 34 आहारपच्चक्खाणे 35 कसायपच्चक्खाणे 36 जोगपच्चक्खाणे 37 सरीरपच्चक्खाणे. 38 सहायपच्चक्खाणे 39 भत्तपच्चक्खाणे 40 सम्भावपच्चवस्त्राणे 41 पडिरूवणया 42 वेयावच्चे 43 सव्वगुणसंपण्णया 44 वीयरागया 45 खंती 46 मुत्ती 47 मद्दवे 48 अजवे 49 भावसच्चे 50 करणसच्चे 51 जोगसच्चे 52 मणगुत्तया 53 . वयगुत्तया 54 कायगुत्तया 55 मणसमाधारणया 56 वयसमाधारणया 57 कायसमाधारणया 58 णाणसंपण्णया 59 दंसणसंपण्णया 60 चरित्तसंपण्णया 61 सोइंदियणिग्गहे 62 चविखदियणिग्गहे 63 छापिदिय णिय हे 64 जि.भिदियणिग्गहे 65 फासिदियणिग्गहे 66 को विजए 67 माणविजए 68 मायाविजए 69
