________________ अनंगपविट्ठसुत्ताणि . अणाहया // 23 // पिया मे सव्वसारं पि, दिजाहि मम कारणा / ण य दुक्खा विमोएंइ, एसा मज्झ अणाया॥२४॥ माया वि मे महाराय !, पुत्तसोगदुट्टिया। ण य दुक्खा विमोएइ, एसा मज्झ अणाया // 25 // भायरा में महाराय !, सगा जेट्टकणिट्ठगा / ण य दुक्खा विमोयंति, एसा मज्झ अणाहया / / 26 // भइणीओ मे महाराय ! सगा जेट्टकणिट्ठगा / ण य दुक्खा विमोयंति, एसा मज्झ अणाया // 27 // भारिया मे महाराय !, अणुरत्ता अणुव्वया / अंसुपुण्णेहिं णयणेहि, उरं मे परिसिंचई // 28|| अण्णं पाणं च पहाणं च, गंधमल्लविलेवणं / मए णायमणायं वा, सा बाला णेव भुंजई // 29 // खणं पि मे महाराय !, पासाओ वि ण फिट्टई / ण य दुक्खा विमोएइ, एसा मज्झ अणाया // 30 // तओ हं एवमाहंसु, दुक्खमा हु पुणो पुणो / वेयणा अणुभविउं जे, संसारम्मि अणंतए // 31 // सई च जइ मुच्चेजा, वेयणा विउला इओ / खंतो दंतो णिरारंभो, पव्वए अणगारियं // 32 // एवं च चिंतइत्ताणं,पसुत्तोमि णराहिवा!। परियत्तेतीए राईए, वेयणा मे खयं गया // 33 // तओ कल्ले पभायंमि, आपुच्छित्ताण बंधवे / खंतो दंतो णिरारंभो, पव्वइओऽणगारियं // 34 // तो हं णाहो जाओ, अप्पणो य परस्स य / सव्वेसिं चेव भूयाणं, तसाणं थावराण य // 35 // अप्पा गई वेयरणी, अप्पा मे कूडसामली / अप्पा कामदुहा घेणू , अप्पा मे णंदणं वणं // ३६॥अप्पा कत्ता विकत्ता य, दुहाण य सुहाण य / अप्पा मित्तममित्तं च, दुप्पट्टिय सुपट्टिओ // 37 / / इमा हु अण्णा वि अणाया णिवा !, तमेगचित्तो णिहुओ सुणेहि / णियंटधम्मं लहियाण वि जहा, सीयंति एगे बहुकायरा णरा // 38 // जो पव्वइत्ताण महव्वयाई, सम्मं च णो फासयई पमाया। अणिग्गहप्पा य रसेसु गिद्धे, ण मूलओ छिण्णइ बंधणं से ||39|| आउत्तया जस्स ण अस्थि काइ, इरियाए भासाए तहेसणाए / आयाणणिव खेवदुगुंछणाए, ण वीरजायं अणुजाइ मग्गं // 40 // चिरं पि से मुंडई भवित्ता, अथिरव्वए तवणियमेहिं भट्टे। चिरं पि अप्पाण किलेस इत्ता, ण पारए होइ हु संपराए // 41 // पोल्ले व मुट्ठी जह से असारे, अयंतिए कूडकहावणे वा / राढामणी वेरुलियप्पगासे, अमहग्घए होइ हु जाणएसु // 42 // कुसीललिंगं इह धारइत्ता, इसिज्झयं जीविय बूहइत्ता। असंजए संजयलप्पमाणे, विणिघायमागच्छइ से चिरं पि // 43 // विसं तु पीयं जह कालकूडं, हणाइ सत्थं जह कुग्गहीयं / एसो विधम्मो विसओववण्णो, हणाइ वेयाल इवाविवण्णो // 44 // जे लक्खणं सुविणं पउंजमाणे, णि मेत्तको ऊहलसंपगाढे / कुहेडविजासवदारजीवी, ण गच्छई सरणं तम्मि काले
