________________ 1108 अनंगपविट्ठसुत्ताणि गिच्छा वा समुप्पज्जिजा, भेदं वा लभेजा, उम्मायं वा पाउणिजा, दीहकालियं वा रोगायकं हवेजा, केवलिपण्णत्ताओ धम्माओ भंसेजा / तम्हा खलु णो णिग्गंथे पणीयं आहारं आहारेजा // 7 ॥णो अइमायाए पाए भोयणं आहारत हवइ से णिग्गंथे / तं कहमिति चे ! आयरियाह / णिग्गंथरस खलु अइमायाए पाणभोयणं आहारेमाणस्स बंभयारिस्स बंभचेरे संका वा कंखा वा विइ गिच्छा वा समुप्पजिजा भेदं वा लमेजा, उम्मायं वा पाउणिज्जा, दीहकालियं वा रोगायकं हवेजा, केवलिपण्णत्ताओ धम्माओ भंसेजा / तम्हा खलु णो णिग्गंथे अइमायाए पाणभोयणं आहारेजा ॥८॥णो विभूसाणुवाई हवद से णिग्गंथे / तं कहमिति चे ? आयरियाह / विभूसावत्तिए विभूसियसरीरे इत्थिजणस्स अभिलसणिज्जे हवइ / तओ णं इत्थिजणेणं अभिलसिजमाणस्स बंभयारिस्स बंभचेरे संका वा कंखा वा विइगिन्छा वा समुप्प. ज्जिजा, भेदं वा लभेजा, उम्मायं वा पाउणिजा, दीहकालियं वा रोगायक हवेजा, केवलिपण्णत्ताओ धम्माओ भंसेजा / तम्हा खलु णो णिग्गंथे विभूसाणुवाई हवेज्जा // 9 // णो सद्दरूवरसगंधफासाणुवाई हवइ से णिग्गंथे / तं कहमिति चे ? आयरियाह / णिग्गंथस्स खलु सद्दरूवरसगंधफासाणुवाइस्स बंभयारिस्स बंभचेरे संका वा कंखा वा विइगिच्छा वा समुप्पज्जिजा, भेदं वा लभेजा, उम्मायं वा पारणिजा. दहकालियं वा रोगायंकं हवेजा, केवलिपण्णत्ताओ धम्माओ भंसेजा / तम्हा खलु णो सद्द. रूवरसगंधफासाणुवाई भवेजा से णिग्गंथे / दसमे बंभचेरसमाहिठाणे हवइ // 10 // हवंति इत्थ सिलोगा। तंजहा- विवित्तमणाइण्णं, रहियं इत्थिजणेण य / बंभचे. रस्स रक्खट्ठा, आलयं तु णिसेवए // 1 // मणपल्हायजणणी, कामरागविवणी / बंभचेररओ भिक्खू , थीकहं तु विवजए // 2 // समं च संथवं थीहि, संकहं च अभिक्खणं / बंभचेररओ भिक्खू , णिच्चसो परिवजए // 3 // अंगपच्चंगसंठाणं, चारुल्लवियपेहियं / बंभचेररओ थीणं, चक्खुगिज्झं विवजए // 4 // कूइयं रुइयं गीयं, हसियं थणियकं दियं / बंभचेररओ थीणं, सोयगिझं विवजए // 5 // हासं किड्ढे रइं दप्पं, सहसावित्तासियाणि य / बंभचेररओ थीणं, णाणुचिंते कयाइ घि // 6 // पणीयं भत्तपाणं तु, खिप्पं मयविवढणं / बंभचेररओ भिवखू , णिच्चसो परिवजए // 7 // धम्मलद्धं मियं काले, जत्तत्थं पणिहाणवं / णाइमत्तं तु भुजेजा, बंभचेररओ सया // 8 // विभूसं परिवज्जेजा, सरीरपरिमंडणं / बंभचेररओ भिक्खू , सिंगारत्थं ण धारए // 9 // सद्दे रूवे य गंधे य, रसे फासे तहेव य / पंचविहे
