________________ 640 अनंगपविट्ठसुत्ताणि आभोएइ 2 ता इमे एयारूवे अब्भत्थिए चिंतिए पत्थिए मणोगए संकप्पे समुप्पज्जित्था-उप्पण्णे खलु भो ! जंबुद्दीवे दीवे भरहे वासे भरहे णामं .राया चाउरंतचक्वट्टी, तं जीयमेयं तीयपच्चुप्पण्णमणागयाणं सिंधूणं देवीणं भरहाणं राईणं उयस्थाणियं करेत्तए, तं गच्छामि णं अहंपि भरहस्स रण्णो उवत्थाणियं करेमित्तिकटु कुंभट्ठसहस्सं रयणचित्तं णाणामणिकणगरयणभत्तिचित्ताणि य दुवे कणगभद्दासणाणि य कडगाणि य तुडियाणि य जाव आभरणाणि य गेण्हइ 2 त्ता ताए उक्किट्ठाए जाव एवं वयासी-अभिजिए णं देवाणुप्पिएहिं केवलकप्पे भरहे वासे अहणं देवाणुप्पियाणं विसयवासिणी अहण्णं देवाणुप्पियाणं आणत्ति किंकरी तं पडिच्छंतु णं देवागुप्पिया ! मम इमं एयावं पीइदाणंतिकटुकुंभट्ठसहस्सं रयणचित्तं णाणामणिकणग- : कडगाणि य जाव सो चेव गमो जाव पडिविसज्जेइ, तए णं से भरहे राया पोसहसालाओ पडिणिक्खमइ 2 त्ता जेणेव मजणघरे तेणेव खागच्छइ 2 त्ता बहाए कयबलिकम्मे जाव जेणेव भोयणमंडवे तेणेव उवागच्छइ उवागच्छित्ता भोयणमंडवंसि सुहासणवरगए अट्ठमभत्तं परियादियइ जाव सीहासणवरगए पुरत्थाभिमुहे णिसीयइ 2 ता अट्ठारस सेणिप्पसेणीओ सद्दावेइ 2 त्ता जाव अट्ठाहियाए महामहिमाए तमाणत्तियं पच्चप्पिणंति // 50 // तए णं से दिव्वे चक्करयणे सिंधूए देवीए अट्ठाहियाए महामहिमाए णिवत्ताए समाणीए आउहघरसालाओ तहेव जाव उत्तर. पुरच्छिमं दिसि वेयड्डपव्वयाभिमुहे पयाए यावि होत्था, तए णं से भरहे राया जाव जेणेव वेयड्डपव्वए जेणेव वेयड्डस्स पव्वयस्स दाहिणिल्ले णियंबे तेणेव उवागच्छाइ 2 त्ता वेयड्स्स पव्वयस्स दाहिणिल्ले णियंबे दुवालसजोयणायाम णवजोयणविच्छिण्णं वरणगरसरिच्छं विजयखंधावारणिवेसं करेइ 2 त्ता जाव वेयगिरिकुमारस्स देवस्स अट्ठमभत्तं पगिण्हइ 2 त्ता पोसहसालाए जाव अट्ठमभत्तिए वेयवगिरिकुमारं देवं मणसि करेमाणे 2 चिट्ठइ, तए णं तस्स भरहस्स रणो अट्ठमभत्तंसि परिणममा. गंसि वेयड्डगिरिकुमारस्स देवस्स आसणं चलइ, एवं सिंधुगमो णेयव्यो पीइदाणं आभिसेक्कं रयणालंकारं कडगाणि य तुडियाणि य वत्थाणि य आभरणाणि य गेहइ २त्ता ताए उक्किट्ठाए जाव अट्ठाहियं जाव पञ्चप्पिणंति / तए णं से दिव्वे चक्क रयणे अट्ठाहियाए महामहिमाए णिव्वत्ताए समाणीए जाव पच्चत्थिमं दिसिं तिमिस. गुहाभिमुहे पयाए यावि होत्था, तए णं से भरहे राया तं दिव्वं चक्करयणं जाव पञ्चत्थिमं दिसिं तिमिसगुहाभिमुहं पयायं पासइ 2 त्ता हट्टतुट्ठचित्त जाव तिमिसंगुहाए
