________________ 1050 अनंगपविट्ठसुत्ताणि विणियहति भोगेसु, जहा से पुरिसुत्तमो // 11 // त्ति बेमि // इति सामष्णपुव्वयं णाम दुइयमज्झयणं समत्तं // 2 // अह खुड्डियायारकहा णामं तइयमज्झयणं / संजमे सुट्टिअप्पाणं विप्पमुक्काण ताइणं / तेसिमेयमणाइण्णं, णिग्गंथाणं. महेसिणं // 1 // 1 उद्देसियं 2 कीयगडं, 3 णियागं 4 अभिहडाणि य। 5 राइभत्ते 6 सिणाणे य, 7 गंध 8 मल्ले य 9 वीयणे // 2 // 10 सण्णिही 11 गिहिमत्ते य, 12 रायपिंडे 23 किमिच्छए / 14 संवाहणा 15 दंतपहोयणा य, 16 संपुच्छणा 17 देहपलोयणा य // 3 // 18 अट्ठावए य 19 णालीए, 20 छत्तस्स य धारणट्टाए। 21 तेगिच्छं 22 पाहणा पाए, 23 समारंभं च जोइणो // 4 // 24 सेजायरपिण्डं च, 25 आसंदीपलियंकए / 26 गिहंतरणिसेजा य, 27 गायस्सुबट्टणाणि य // 5 // गिहिणो 28 वेयावडियं, जा य 29 आजीववत्तिया। 30 तत्ताणिन्वुडभोइत्तं, 31 आउरस्सरणाणि य // 6 // 32 मूलए 33 सिंगबेरे य, 34 उच्छुखंडे अणिव्वुडे। 35 कंदे 36 मूले य सच्चित्ते, 37 पले 38 बीए य आमए // 7 // 39 सोवच्चले 40 सिंधवे लोणे, 41 रोमालोणे य आमए / 42 सामुद्दे 43 पंसुखारे य, 44 कालालोणे य आमए // 8 // 45 धूबणेत्ति 46 वमणे य, 47 वत्थीकम्म 48 विरेयणे / 49 अंजणे 50 दंतवणे य, 51 गायभंग 52 विभूसणे // 9 // सव्वमेयमणाइण्णं, णिग्गंथाण महेसिणं / संजमग्मि य जुत्ताणं, लहुभूयविहारिणं // 10 // पंचासवपरिण्णाया, तिगुत्ता रसु संनया / पंचणिग्गहणा धीरा, णिग्गंथा उज्जुदंसिणो // 11 // आयावयंति गिम्हेसु, हेमंतेसु अवाउडा / वासासु पडिसलीणा, संजया सुसमाहिया // 12 // परीसहरिऊदंता, धृयमोहा जिइंदिया।सव्वदुक्खप्पहीणट्ठा, पक्कमंति महेसिणो॥१३॥दुक्कराइंकरित्ताणं, दुस्स. हाई सहित्तु य / केहऽत्थ देवलोएसु, केइ सिझंति णीरया // 14 // खवित्ता पुश्वकम्माई, संजमेण तवेण य / सिद्धिमग्गमणुप्पत्ता, ताइणो परिणिन्बुडा // 15 // त्ति बेमि // इति खुड्डियायारकहाणामं तइयमज्झयणं समत्तं / 3 / ___ अह छज्जीवणिया णामं चउत्थमज्झयणं . सुयं मे आउस ! तेणं भगवया एवमक्खायं, इह खल छज्जीवणियाणामज्झयणं समणेणं भगवया महावीरेणं कासवेणं पवेइया सुअक्खाया सुपण्णत्ता सेयं मे अहि
