________________ दसासुयक्खंधो द. 10 1045 अद्विमिंजपेम्माणुरागरते भयमाउसो ! णिग्गंथे पावयणे अढे एस (अयं) परमटे सेसे अगटे, से णं एयारूवेणं विहारेणं विहरमाणे बहूई वाताई समणोवासपरियागं पाउणइ 2 त्ता कालमासे कालं किच्चा अण्णयरेसु देवलोगेसु देवत्ताए उववत्तारो भवइ, एवं खलु समणाउसो ! तस्स णियाणस्स इमेयारूवे पावए फलविवागे जं णो संचाएइ सीलञ्चयगुणवेरमणपच्चक्खाणपोसहोवबासाइं पडिवज्जित्तए॥ 30 / / एवं खलु समणाउसो! मए धम्मे पण्णत्ते तं चेव सव्वं जाव से य परक्कममाण दिव्वमाणुस्सएहिं कामभोगेहिं णिव्वेयं गच्छेजा, माणुस्सगा खलु कामभोगा अधुवा जाव विप्पजह णिजा, दिव्वावि खलु कामभोगा अधुवा अणितिया असासया चलाचल(ण)धम्मा पुणरागमणिजा पच्छा पुव्वं च णं अवस्सं विप्पजहणिजा, जइ इमस्स तवणियम जाव आगमेस्साणं जे इमे भवंति उम्गपुत्ता महामाउया जाव पुमत्ताए पञ्चायति तत्थ णं समणोवासए भविस्सामि-अभिगयजीवाजीवे उवलद्धपुण्णपावे फासुयएसणिज्ज असणपाणखाइमसाइमं पडिलामेमाणे विहरिस्सामि, से तं साहु / एवं खलु समणाउसो ! णिगंथो वा णिग्गंथी वाणियाणं किच्चा तस्स ठाणस्स अणालोइय जाव देवलोएसु देवत्ताए उववजइ जाव किं ते आसगस्स सयइ 1 // 31 // तस्स णं तहप्पगारस्स पुरिसजायस्स जाव पडिसुणिज्जा ? हंता ! पडिसुणिजा, से गं सद्दहेजा जाव रोएजा ? हंता ! सद्दहेजा०, से णं सीलव्वय जाव पोसहोववासाई पडिवज्जेज्जा ? हंता ! प्रडिवज्जेजा, से णं मुंडे भवित्ता अगाराओ अणगारियं पव्वएजा 1 णो इणढे समढे // 32 // से णं.समणोवासए भवइ-अमिगयजीवाजीवे नाव पडिलामेमाणे विहरइ, से णं एयारूवेणं विहारेणं विहरमाणे बहूणि वासाणि समणोवासगपरियागं पाउणइ 2 ता बहूई भत्ताई पञ्चक्खाइ ? हंता ! पच्चक्खाइ 2 सा आबाहंसि उप्पण्णंसि वा अणुप्पण्णंसि वा बहूई भत्ताई अणसणाई खुएइ 2 त्ता आलोइयपडिक्कंते समाहिपत्ते कालमासे कालं किच्चा अण्णवरेसु देवलोएसु देवत्ताए उववत्तारो भवइ, एवं खलु समणाउसो ! तस्स णियाणस्स इमेयासवे पावफलविवागे जेणं णो संचाएइ सव्वओ सव्वत्ताए मुंडे भवित्ता अगाराओ अणगारियं पव्वइत्तए // 33 // एवं खलु समणाउसो! मए धम्मे पण्णत्ते जाव से य परकममाणे दिव्वमाणुस्सएहि कामभोगेहिं णिवेयं गच्छेजा, माणुस्सगा खलु कामभोगा अदुवा० असासया जाव विप्पजहणिजा, दिव्वावि खलु कामभोगा अधुवा नाव पुणरागमणिजा, जइ इमस्स तवणियम जाव वयमवि आगमेस्साणं जाई इमाई
