________________ दसासुयक्खंधो द. 6 1027 गिद्दायंति वा पयलायति वा सुई वा रइं वा घिई वा मई वा उवलभंति, ते णं तत्थ उजलं विउलं पगाढं ककस कडुयं चंडं दुक्खं दुग्गं तिक्खं तिव्वं दुक्ख]रहियास णरएसु णेरइया णरयवेयणं पच्चणुभवमाणा विहरंति // 12 // से जहाणामएरुक्खे सिया पव्वयग्गे जाए मूलछिण्णे अग्गे गरुए जओ णिण्णं जओ दुग्गं जओ विसमं तओ पवडइ एवामेव तहप्पगारे पुरिसजाए गब्भाओ गभं जम्माओ जम्मं माराओ मारं दुक्खाओ दुक्ख दाहिणगामिणेरइए कण्हपक्खिए आगमस्साणं दुल्लभबोहिए यावि भवइ / से तं अकिरियावाई (यावि भवइ) // 13 / / से किं तं किरियावाई (यावि भवइ)? तंजहा-आहियावाई, आहियपण्णे, आहिय. दिट्ठी, सम्मावाई, णितियावाई, संति परलोगवाई, अत्थि इहलोगे, अत्थि परलोगे, अस्थि माया, अस्थि पिया, अत्थि अरिहंता, अत्थि चकवट्टी, अस्थि बलदेवा, अस्थि वासुदेवा, अस्थि सुकडदुकडाणं कम्माणं. फलवित्तिविसेसे, सुचिष्णा कम्मा सुचिण्णा फला भवंति, दुचिण्णा कम्मा दुचिष्णा पला भवंति, सपले वल्लाणपावए, पच्चायंति जीवा, अस्थि णेरइया जाव अस्थि देवा, अस्थि सिद्धी, से एवंवाई एवं. पण्णे एवंदिट्ठीछंदरागमइणिविटे यावि भवइ / से भवइ महिच्छे जाव उत्तरगामिए णेरइए सुक्कपक्खिए आगमेस्साणं सुलभबोहिए यावि भवइ / से तं किरियावाई // 14 // अह पढमा उवासगा पडिमा- सव्वधम्मरुई यावि भवइ, तस्स णं बहई सीलवयगुणवेरमणपच्चक्खाणपोसहोववासाइं णो सम्मं पट्टवियपुत्वाइं भवति, एवं उवासगस्स पढमा दंसणपडिमा // 15 // अहावरा दोच्चा उवासगपडिमा-सव्वधम्मरई यावि भवइ, तस्स णं बहूई सीलवयगुणवेरमणपञ्चवखाणपोसहोक्वासाइं सम्म पट्टवियाई भवंति, से णं सामाइयं देसावगासियं गो सम्म अणुपालित्ता भवइ, दोच्चा उवासगपडिमा / / 16 / / अहावरा तच्चा उवासगपडिमा-सव्वधम्मई यावि भवइ, तस्स ण बहूई सीलवयगुणवेरमणपच्चक्खाणपोसहोववासाई सम्मं पट्टवियाई भवंति, से णं सामाइयं देसावगासियं सम्म अणुपालित्ता भवइ, से णं चउद्दसिअट्ठमि उद्दिट्ठपुण्णमासिजीसु पडिपुण्णं पोसहोववासं णो सम्म अणुपालित्ता भवइ, तच्चा उवासगपडिमा॥१७॥ महावरा चउत्(थी)था उवासगपडिमा-सव्वधम्मरई यावि भंवइ, तस्स णं बहूई सीलवयगुणवेरमणपञ्चक्खाणपोसहोववासाई सम्मं पट्टवियाई भवति, से गं सामाइयं देसावगासियं सम्मं अणुपालित्ता भवइ, से णं चउद्दसिअट्ठमि उद्दिपुण्णमासिणीसु पडिपुण्णं पोसहं सम्मं अणुपालित्ता भवइ, से णं एगराइयं उवासगपडिम णो सम्मं अणुपालित्ता भवइ, चउत्था उवासगपांडमा // 18 // अहावरा पंचमा
