________________ 1022 अनंगपविट्ठसुत्ताणि साहिल्लया, वण्णसंजलणया, भारपच्चोरहणया // 14 // से किं तं उचगरण उप्पायगया ? उवगरण उप्पायणया चउन्विहा पण्णत्ता / तंजहा-अणुप्पण्णाणं उवगरणाणं उप्पाइत्ता भवइ,पोराणाणं उवगरणाणं सारक्खित्ता संगोवित्ता भवइ,परित्तं जाणित्ता पच्चुद्धरित्ता भवइ; अहाविहि संविभइत्ता भवइ।से तं उवगरणउप्पायणया // 15 // से किं तं साहिल्लया ? साहिल्लया चउव्विहा पण्णत्ता / तंजहा-अणुलोमवइसहिए यावि भवइ; अणुलोमकायकिरियत्ता, पडिरूवकायसंफासणया, सव्वत्थेसु अपडिलोमया / से तं साहिल्लया // 16 // से किं तं वण्णसंजलणया ? वण्णसंजलणया चउव्विहा.पण्णत्ता / तनहा-अहातच्चाणं वण्णवाई भवइ, अवण्णवाई पडिहणित्ता भवइ, वण्णवाई अणुबूहित्ता भवइ, आयबुड्ढसेवी यावि भवइ / से तं वण्णसंजलणया // 17 // से किं तं भारपच्चोरुहणया?भारपच्चोरुहणया चउव्विहा पण्णत्ता / तंजहाअसंगहियपरिजणसंगहित्ता भवइ, सेहं आयारगोयर-संगाहित्ता भवइ, साहम्मियम्स गिलायमाणस्स अहाथामं वेयावच्चे अब्भुट्टित्ता भवइ,साहम्मियाणं अहिगरणं सि उप्पण्णंसि तत्थ अणिस्सिओवस्सिए (वसित्तो) अपक्खग्गाही मज्झत्थभावभूए सम्मं ववहरमाणे तस्स अहिगरणस्स खमावणाए विउसमणयाए सयासमियं अन्भुट्टित्ता भवइ, कहं णु साहम्मिया अप्पसद्दा अप्पझंझा अप्पकलहा अप्पकसाया अप्पतुमंतुमा संजमबहुला संवरबहुला समाहिबहुला अप्पमत्ता संजमेणं तवसा अप्पाणं भावेमाणाणं एवं च णं विहरेजा। से तं भारपच्चोरुहणया // 18 // एसा खलु थेरेहिं भगवंतेहिं अट्ठविहा गणिसंपया पण्णत्ता // 19 // त्ति-बेमि // चउत्था दसा समत्ता // 4 // . पंचमा दसा ___ सुयं मे आउसं ! तेणं भगवया एवमक्खायं, इह खलु थेरेहिं भगवंतेहिं दस चित्तसमाहिठाणा पण्णत्ता, कयरे खलु ते थेरेहिं भगवंतेहिं दस चित्तसमाहिटाणा पण्णत्ता ? इमे खलु ते थेरेहिं भगवंतेहिं दस चित्तसमाहिटाणा पण्णत्ता / तंजहातेणं कालेणं तेणं समएणं वाणियगामे णयरे होत्था, एत्थं णयरवण्णओ भाणियन्यो / तस्स णं वाणियगामस्स गयरस्स बहिया उत्तरपुरस्थिमे दिसीभाए दुइपलासए णामं. चेइए होत्था, चेइय वण्णओ भाणियव्वो। जियसत्तू राया, तस्स धारणी णामं देवी, एवं सव्वं समोसरणं भाणियव्वं जाव पुढवीसिलापट्टए सामी समोसढे; परिसा णिग्गया,
