________________ 928 अनंगपविट्ठसुत्ताणि से णो कप्पइ रयहरणगोच्छगपडिग्गहमायाए चउहि य कसिणेहिं वत्थेहिं आयाए संपव्वइत्तए; कप्पइ से अहापरिग्गहियाइं वत्थाइं गहाय आयाए संपव्वइत्तए // 14 // णो कप्पइ णिग्गंथाण वा णिग्गंथीण वा पढमसमोसरणुद्देसपत्ताई चेलाइं पड़ियाहित्तए, कप्पइ णिग्गंथाण वा णिग्गंथीण वा दोच्चसमोसरणद्देसपत्ताई चेलाइं पडिगाहित्तए // 15 // कप्पह णिग्गंथाण वा णिग्गंथीण वा अहाराइणियाए चेलाइं पडिगाहित्तए // 16 // कप्पइ णिग्गंथाण वा णिग्गंथीण वा अहाराइणियाए सेजासंथारयं पडिगाहित्तए // 17 // कप्पइ णिग्गंथाण वा णिग्गंथीण वा अहाराइणियाए किइकम्म करेत्तए // 18 // णो कप्पइ णिग्गंथाण वा णिग्गंथीण वा अंतरगिहंसि चिट्ठित्तए वा णिसीइत्तए वा तुयट्टित्तए वा णिद्दाइत्तए वा पयलाइत्तए वा, असणं वा 4 आहारमाहारित्तए, उच्चारं वा 4 परिदृवित्तए, सज्झायं वा करेत्तए, झाणं वा झाइत्तए, काउस्सग्गं वा ठाणं वा ठाइत्तए, अह पुण एवं जाणेजा-वाहिए जराजुण्णे तवस्सी दुबले किलंते मुच्छेज वा पवडेज वा, एवं से कप्पइ अंतरगिहंसि चिट्ठिइत्तए वा जाव ठाणं वा ठाइत्तए // 19 // णो कप्पइ णिग्गंथाण वा णिग्गंथीण वा अंतरगिर्हसि जाव चउगाहं वा पंचगाहं वा आइक्खित्तए वा विभावेत्तए वा किट्टित्तए वा पवेइत्तए वा, णण्णत्थ एगणाएण वा एगवागरणेण वा एगगाहाए वा एगसिलोएण वा, से वि य ठिच्चा, णो चेव णं अठिच्चा // 20 // णो कप्पइ, णिग्गंथाण वा णिग्गंथीण वा अंतरगिहंसि इमाइं पंचमहव्वयाइं सभावणाई आइक्खित्तए वा जाव पवेइत्तए वा, णण्णत्थ एगणाएण वा जाव एगसिलोएण. वा, से वि य ठिच्चा, णो चेव णं अठिच्चा // 21 // णो कप्पइ णिग्गंथाण वा णिग्गंथीण वा पडिहारियं सेजासंथारयं आयाए अपडिहट्ट संपव्वइत्तए // 22 / / णो कप्पइ णिग्गंथाण वा णिग्गंथीण वा सागारियसंतियं सेजासंथारयं आयाए अविकरणं कट्ट संपव्वइत्तए // 23 // इह खलु णिग्गंथाण वा णिग्गंथीण वा पडिहारिए वा सागारियसंतिए वा सेजासंथारए विष्पणसिजा से य अणुगवेसियव्वे सिया; से य अणुगवेसमाणे लभेजा, तस्सेव पडिदायव्वे सिया; से य अणुगवेसमाणे णो लभेजा, एवं से कप्पइ दोच्चं पि उग्गहं अणुण्णवित्ता परिहारं परिहरित्तए // 24 // जद्दिवसं समणा णिग्गंथा सेजासंथारयं विप्पजहंति, तद्दिवसं च णं अवरे समगा णिग्गंथा हव्वमागच्छेजा; सच्चेव उग्गहस्स पुव्वागुण्णवणा चिहइ अहालंदमवि उग्गहे // 25 // अत्थि या इत्थ केइ उवस्सयपरियावण्णए अचित्ते परिहरणारिहे,सच्चेव उग्गहस्स पुव्वाणुवण्णवणा चिट्ठइ अहालंदमवि
