________________ 618 अनंगपविट्ठसुत्साणि. चत्तारि धम्मंतेवासी पण्णत्ता, तंजहा-उद्देसणधम्मंतेवासी णामेगे णो वायणधम्मतेवासी, वायणधम्मंतेवासी णामेगे णो उद्देसणधम्मंतेवासी, एगे उद्देसणधम्मंतेवासी विवायणधम्मंतेवासी वि,एगे णो उद्देसणधम्मंतेवासी णो वायणधम्मंतेवासी // 290 / / तओ थेरभूमीओ पण्णत्ताओ, तंजहा-जाइथेरे सुयथेरे परियायथेरे / सट्ठिवासजाए (समणे णिग्गंथे) जाइथेरे, (ठाण)समवायंगं जाव सुयधारए सुयथेरे, बीसवासपरियाए परियायथेरे // 291 / / तओ सेहभूमीओ पण्णत्ताओ, तं०-सत्तराइं दिया चाउम्मासिया छम्मासिया, छम्मासिया उक्कोसिया, चाउम्मासिया मज्झमिया, सत्तराइणो जहणिया // 292 // णो कप्पइ णिग्गंथाण वा णिग्गंर्थण वा खडगं वा खुड्डियं वा ऊणट्टवासजाय उवट्ठावेत्तए वा संभुजित्तए वा // 293 // कप्पइ णिग्गंथाण वा णिग्गंथीण वा खुड्डगं वा खुड्डियं वा साइरेगहवासायं उवट्ठावेत्तए वा संभुजित्तए वा // 294 // णो कप्पइ णिग्गंथाण वा णिग्गंथीण वा खुडगस्स वा खुड्डियाए वा अव्वंजणजायस्स आयारपकप्पे णामं अज्झयणे उद्दिसित्तए // 295 // कप्पइ णिग्गंथाण वा णिग्गंथीण वा खुड्डगस्स वा खुड्डियाए वा वंजणंजायस्स आयारकप्पे णामं अज्झयणे उद्दिसित्तए // 296 / / तिवासपरियायस्स समणरस णियरस कापड आयारपकप्पे णाम अज्झयणे उद्दिसित्तए // 297 // चउवासपरिया(यस्स समणस्स णिग्गंथस्स)ए कप्पइ सूयगडे णामं अंगे उद्दिसित्तए // 298 // पंचबासपरियाए कप्पइ दसाकम्पववहारे उद्दि सित्तए // 299 // अट्ठवासपरियाए कप्पइ ठाणसमवाए उद्दिसित्तए // 300 / दसवासपरियाए कप्पइ वि(वाहे)याहे णामं अंगे उद्दिसित्तए // 301 // एक्कारसवासपरियाए कप्पइ खुड्डिया विमाणपविभत्ती महल्लिया विमाणपविभत्ती अंगचूलिया व(वं)गचूलिया वियाहचूलिया णामं अज्झयणे उद्दिसित्तए॥३०२॥ बारसवासपरियाए कप्पइ गस्लोववाए धरणोववाए वेसमणोववाए वेलंधरोक्वाए णामं अज्झयणे उद्दिसित्तए // 303 // तेरसवासपरियाए कप्पइ उट्ठाण(सु)परियावणिए समुट्ठाणसुए देविंदोववाए णागपरियावणिए णामं अज्झयणे उद्दिसित्तए // 304 // चोद्द(चउद)सवासपरियाए कप्पइ सि(सु)मिणभावणा णामं अज्झयणे उद्दिसित्तए // 305 // पण्णरसवासपरियाए कप्पइ चारणभावणा णामं अज्झयणे उद्दिसित्तए // 306 // सोलसवासपरियाए कप्पइ तेयणीसंगे णामं अज्झयणे उद्दिसित्तए // 307 // सत्तरसवासपरियाए कप्पइ आसीविसभावणा णामं अज्झयणे उद्दिसित्तए // 308 // अट्ठारसवासपरियायस्स समणस्स णिग्गंथस्स कप्पइ दिट्ठीविसभावणा
