________________ 917 ववहारो उ. 10 एगे णो गणसोहकरे णो माणकरे // 278 // चत्तारि पुरिसजाया पण्णता, तं०गणसोहिकरे णामं एगे जो माणकरे, माणकरे णामं एगे णो गणसोहिकरे, एगे गणसोहिकरे वि माणकरे वि, एगे णो गणसोहिकरे णो माणकरे // 279 / / चत्तारि पुरिसजाया पण्णत्ता, तंजहा-रूवं णामेगे जहइ णो धम्म, धम्मं णामेगे जहइ णो रूवं, एगे रूवं पि जहइ धम्म पि जहइ, एगे णो रूवं जहइ णो धम्मं जहइ // 280 // चत्तारि पुरिसजाया पण्णत्ता, तंजहा-धम्मं णामेगे जहा णो गणसंठिई, गणसंठिई णामेगे जहइ णो धम्म, एगे गणसंठिई पि जहइ धम्म पि जहइ, एगे णो गणसंठिई जहइ णो धम्मं जहइ // 281 // चत्तारि पुरिसजाया पण्णत्ता, तंजहा-पियधम्मे णामेगे णो दढधम्मे, दढधम्मे णामेगे जो पियधम्मे, एगे पियधम्मे वि दढधम्मे वि, एगे णो पियधम्मे णो दढधम्मे // 282 // चत्तारि आयरिया पण्णत्ता, तंजहापव्वावणायरिए णामेगे णो उवट्ठावणायरिए, उवट्ठावणायरिए णामेगे णो पव्वावणायरिए, एगे पव्वावणायरिए वि उवट्ठावणायरिए वि, एगे णो पव्वावणायरिए णो उवट्ठावणायरिए // 283 // चत्तारि आयरिया पण्णत्ता, तंजहा-उद्देसणायरिए णामेगे णो वायणायरिए, वायफायरिए णामेगे णो उद्देसणायरिए, एगे उद्देसणायरिए वि वापणायरिए वि, एगे णो उद्देसणायरिए णो वायणायरिए // 284 // धम्मायरियस्स चत्तारि अंतेवासी पण्णत्ता, तंजहा-पव्वावणंतेवासी णामेगे णो उवट्ठावणंतेवासी, एगे उवट्ठावणंतेवासी णामेगे णो पव्वावणंतेवासी,एगे पव्वावणंतेवासी वि उवट्ठावणंतेवासी वि, एगे णो पव्वावणंतेवासी णो उवट्ठाणंतेवासी // 285 // चत्तारि अंतेवासी पण्णत्ता, तंजहा-उद्देसणंतेवासी णामेगे णो वायणंतेवासी, वायणंतेवासी णामेगे णो उद्देसणंतेवासी, एगे उद्देसणंतेवासी वि वायणंतेवासी वि, एगे णो उद्दे. सणंतेबासी णो वायणंतेवासी // 286 // चत्तारि धम्मायरिया पण्णत्ता, तंजहापवावणधम्मायरिए णामेगे णो उवट्ठावणधम्मायरिए, उवट्ठावणधम्मायरिए णामेगे णो पव्वावणधम्मायरिए, एगे पव्वावणधम्मायरिए वि उवट्ठावणधम्मायरिए वि, एगे णो पवावणधम्मायरिए णो उवट्ठावणधम्मायरिए // 287 // चत्तारि धम्मायरिया पण्णत्ता, तं०-उद्देसणधम्मायरिए णामेगे णो वायणधम्मायरिए, वायणधम्मायरिए णामेगे णो उद्देसणधम्मायरिए, एगे उद्देसणधम्मायरिए वि वायणधम्मायरिए वि, एगे णो उद्देसणधम्मायरिए, णो वायणधम्मायरिए // 288 // चत्तारि धम्मंतेवासी पण्णत्ता, तंजहा–पव्वावणधम्मंतेवासी णामेगे णो उवट्ठावणधम्मंतेवासी, उवट्ठावणधम्मंतेवासी णामेगे णो पव्वावणधम्मंतेवासी, एगे पव्वावणध-मंतेवासी वि उवट्ठावणवम्मंतेवासी वि एगे णो पव्वावणधम्मंतेवासी णो उवट्ठावणधम्मंतेवासी // 289 //
