________________ 602 अनंगपविट्ठसुत्ताणि काइ समुक्कसणारिहा सा समुक्कसियव्वा, णत्थि या इत्थ अण्णा काइ समुक्कसणारिहा सा चेव समुक्कसियव्वा, ताए व णं समुक्किट्ठाए परो वएजा-दुस्समुक्कि8 ते अज्जे! णिख्विाहि ताए णं णिक्खिवमाणाए णस्थि केइ छेए वा परिहारे वा, जाओ, साहम्मिणीओ अहाकप्पं जो उट्टाए विहरंति सव्वासिं तासिं तप्पत्तियं छेए वा परि. हारे वा // 143 / / पवत्तिणी य ओहायमाणी अण्णयरं वएजा-मए णं अज्जो ! ओहावियाए समाणीए अयं समुक्कसियव्वा, सा य समुक्कसणारिहा समुक्कसियव्वा, सा य णो समुक्कसणारिहा णो समुक्कसियव्वा, अत्थि या इत्थ अण्णा काइ समुक्कसणारिहा सा समुक्कसियव्वा, णत्थि या इत्थ अण्णा काइ समुक्कसणारिहा सा चेव समुक्कसियव्वा, ताए व णं समुक्किट्ठाए परो वएजा-दुस्समुक्किटं ते अज्जे ! णिक्खिवाहि ताए णं णिक्खिवमाणाए णत्थि केइ छेए वा परिहारे वा, जाओ साहम्मिणीओ अहाकप्पं णो उठाए विहरंति सव्वासिं तासिं तप्पत्तियं छेए वा परिहारे वा // 144|| णिग्गंथस्स णवडहरतरुणस्स आयारपकप्पे णामं अज्झयणे परिभट्टे सिया, से य पुच्छियव्वे, केण ते अज्जो ! कारणेणं आयारपकप्पे णामं अज्झयणे परिन्भटे, किं आबाहेणं पमाएणं से य बएजा-णो आबाहेणं पमाएणं, जावज्जी(वाए)वं तस्स तप्पत्तियं णो कप्पइ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा, से य वएजा-आबाहेणं णो पमाएणं, से य संठवेस्सामीति संठवेजा, एवं से कप्पइ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा, से य संठवेस्सामीति णो संठवेजा, एवं से णो कप्पइ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा // 145 / / णिग्गंथीए (णं) णवडहरतरुणाए आयारपक्कप्पे णामं अज्झयणे परिन्भटे सिया, रा य पुच्छ्यिव्वा, केण भे कारणेणं आयारपकप्पे णामं अज्झयणे परिब्भटे किं आबाहेणं पमाएणं ? सा य वएजाणो आवाहेणं पमाएण, जावज्जीवं तीसे तप्पत्तियं णो कम्पइ पवत्तिणित्तं वा गणावच्छेइणित्तं वा उद्दिसित्तए वा धारेत्तए वा, सा य वएजा-आबाहेणं णो पमाएणं, सा य संठवेस्सामीति संठवेजा, एवं से कप्पइ पवत्तिणित्तं वा गणावच्छेइ. णित्तं वा उद्दिसित्तए वा धारेत्तए वा, सा य संठवेस्सामीति णो संठवेजा, एवं से णो कप्पइ पवत्तिणित्तं वा गणावच्छेइणित्तं वा उद्दिसित्तए वा धारेत्तए वा // 146 / / थेराणं थेरभूमिपत्ताणं आयारपकप्पे णामं अज्झयणे परिन्भटे सिया, कप्पइ तेसिं संठवेत्ताण वा असंठवेत्ताण वा आयरियत्तं वा जाव गणावच्छेइयत्तं वा उद्दिसित्तए
