________________ 874 अनंगपविट्ठसुत्ताणि सुभद्दा जाव अजा जाया इरियासमिया जाव गुत्तबम्भयारिणी // 139 // तए णं सा सोमा अजा सुव्वयाणं अजाणं अंतिए सामाइयमाझ्याइं एकारस अंगाई अहिजइ 2 त्ता बहूहिँ छट्ठमदसमदुवालस जाव भावेमाणी बहूई वासांई सामण्णपरियागं पाउणइ 2 त्ता मासियाए संलेहणाए सर्हि भत्ताई अणसणाए हेइत्ता आलोइयपडिक्कंता समाहिपत्ता कालमासे कालं किच्चा सक्कस्स देविंदस्स देवरणो सामाणियदेवत्ताए उववज्जिहिइ / तत्थ णं अत्थेगइयाणं देवाणं दो सागरोवमाई ठिई पण्णत्ता, तत्थ णं सोमस्सवि देवस्स दो सागरोवमाई ठिई पण्णत्ता // 139 / / से णं भंते ! सोमे देवे ताओ देवलोगाओ आउक्खएणं जाव चयं चइत्ता कहिं गच्छिहिइ कहिं उववज्जिहिइ ? गोयमा ! महाविदेहे वासे जाव अंतं काहिइ / णिक्खेवओ // 140 // चउत्थं अज्झयणं समत्तं // 3 // 4 // पंचमं अज्झयणं जइ णं भंते ! समणेणं० उक्खेवओ / एवं खलु जंबू ! तेणं कालेणं तेणं समएणं रायगिहे णामं णयरे / गुणसिलए चेइए / सेणिए राया। सामी समोसरिए / परिसा णिग्गया // 141|| तेणं कालेणं तेणं समएणं पुण्णभद्दे देवे सोहम्मे कप्पे पुण्णभद्दे विमाणे सभाए सुहम्माए पुण्णभदंसि सीहासणंसि चउहिं सामाणियसाहस्सीहिं जहा सूरियाभो जाव बत्तीसइविहं णट्टविहिं उवदंसित्ता जामेव दि सिं पाउन्भूए तामेव दिसिं पडिगए / कुडागारसाला / पुत्वभवपुच्छा / एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे मणिवइया णामं णयरी होत्था, रिद्ध० / चंदो राया। ताराइण्णे चेइए / तत्थ णं मणिवइयाए णयरीए पुष्णभद्दे णाम गाहावई परिवसइ, अड्डे / तेणं कालेणं तेणं समएणं थेरा भगवतो जाइ. संपण्णा जाव जीवियासमरणभयविप्पमुक्का बहुस्सुया बहुपरिवारा पुव्वाणुपुत्विं जाव समोसढा / परिसा णिग्गया / तए णं से पुण्णभद्दे गाहावई इमीसे कहाए लढे० हट्ट० जाव जहा पण्णत्तीए गंगदत्ते तहेव णिग्गच्छइ जाव णिवखंतो जाव गुत्तबंभयारी // 142 / / तए णं से पुण्णभद्दे अणगारे भगवंताणं अंतिए सामाइयमाइ. याई एक्कारस अंगाई अहिजइ 2 त्ता बहूहिं चउत्थछट्टट्ठम जाव भावित्ता बहूई वासाइं सामण्णपरियागं पाउणइ 2 त्ता मासियाए संलेहणाए सढि भत्ताई अणसणाए छेइत्ता आलोइयपडिक्कंते समाहिपत्ते कालमासे कालं किच्चा सोहम्मे कप्पे
