________________ 870 अनंगपविट्ठसुत्ताणि उरसि खंधे सीसे य करयलपुडेणं गहाय हलउलेमाणी 2 आगायमाणी 2 परिगायमाणी 2 पुत्तपिवासं च धूयपिवासं च णत्तुयपिवासं च णत्तिपिवासं च पञ्चणुभवमाणी विहरइ // 123 / / तए णं ताओ सुव्वयाओ अजाओ सुभदं अज्जं एवं वयासी- . अम्हे णं देवाणुप्पिए ! समणीओ गिग्गंथीओ इरियासमियाओ जाव गुत्तबंभयारिणीओ, णो खलु अम्हं कप्पड़ जातककम्मं करेत्तए, तुमं च णं देवाणुप्पिए ! बहुजणस्स चेडरूवेसु मुच्छिया जाव अज्झोववण्णा अभंगणं जाव णत्तिपिवासं वा पच्चणुभवमाणी विहरसि, तं णं तुमं देवाणुप्पिए ! एयस्स ठाणस्स आलोए हि जाव पाय[प]च्छित्तं पडिवजाहि // 124|| तए णं सा सुभद्दा अजा सुव्वयाणं अजाणं एयमटुं णो आढाइ णो परि जाणइ अणाढायमाणी अपरिजाणमाणी विहरइ / तए णं ताओ समणीओ णिग्गंथीओ सुभदं अज्ज हीलैंति णिदंति विसंति गरहंति अभिक्खणं 2 एयमढें णिवारेंति // 125 // तए णं ती[ए]से सुभद्दाए. अजाए समणीहिं णिग्गंथीहिँ हीलिजमाणीए जाव अभिक्खणं 2 एयमलु णिवारिजमाणीए अयमेयारूवे अज्झथिए जाव समुप्पज्जित्था-अया णं अहं अगारवासं वसामि तया णं अहं अप्पवसा,जप्पमिइं च णं अहं मुण्डा भवित्ता अगाराओ अणगारियं पव्वइया तप्पभिई च णं अहं परवसा, पुत्विं च समणीओ णिग्गंथीओ आति परिजाणेति इयाणिं णो आढाएंति णो परिजाणंति, तं सेयं खलु मे कल्लं जाव जलते सुव्वयाणं अजाणं अंतियाओ पडिणिक्खमित्ता पाडिएक्कं उवस्सयं उवसंपज्जित्ताणं विहरित्तए, एवं संपेहेइ 2 त्ता कल्लं जाव जलंते सुव्वयाणं अजाणं अंतियाओ पडिणिक्खमइ 2 त्ता पाडिएक्कं उवस्सयं उवसंपज्जित्ताणं विरहइ / तए णं सा सुभद्दा अजा अजाहिं अणोहट्टिया अणिवारिया सच्छंदमई बहुजणस्स चेडरूवेसु मुच्छिया जाव अभंगणं च जाव णत्तिपिवासं च पञ्चगुभवमाणी विहरइ // 126 // तए णं सा सुभद्दा अजा पासत्था पासत्थविहारिणी एवं ओसण्णा ओसण्णविहारिणी कुसीला कुसीलविहारिणी संसत्ता संसत्तविहारिणी अहाछंदा अहाछंदविहारिणी बहूई वासाइं सामण्णपरियागं पाउणइ 2 त्ता अद्धमासियाए संलेहणाए अत्ताणं झूसित्ता तीसं भत्ताई अणसणाए छेइत्ता तस्स ठाणस्स अणालोइयपडिक्कंता कालमासे कालं किच्चा सोहम्मे कप्पे बहुपुत्तियाविमाणे उववायसभाए देवसयणिज्जंसि देवदूसंतरिया अंगुः लस्स असंखेजभागमेत्ताए ओगाहणाए बहुपुत्तियदेवित्ताए उवणा / 127 // तए णं सा बहुपुत्तिया देवी अहुणोववण्णमेत्ता समाणी पंचविहाए पजत्तीए जाव
