________________ 835 चंदपण्णत्ती पा. 20 कइविहे णं राह प० ? ता दुविहे प०, तं०-धुवराहू य पव्वराहू य, तत्थ णं जे से वराह से णं बहुलपक्खस्स पाडिवए पण्णरसइभागेणं भागं चंदस्स लेसं आवरे. माणे० चिट्ठइ, तं०-पढमाए पढमं भागं जाव पण्णरसमं भागं, चरमे समए चंदे रत्ते भवइ, अवसेसे समए चंदे रत्ते य विरत्ते य भवइ, तमेव सुक्कपक्खे उवदंसेमाणे 2 चिट्ठइ, तं०-पढमाए पदमं भागं जाव चंदे विरत्ते भवइ, अवसेसे समए चंदे रत्ते य विरत्ते य भवइ, तत्थ णं जे से पञ्चराहू से जहण्णेणं छण्हं मासाणं, उक्कोसेणं बायालीसाए मासाणं चंदस्स अडयालीसाए संवच्छराणं सूरस्स // 103 // ता कहं ते चंदे ससी 2 आहिएति वएजा ? ता चंदस्स णं जोइसिंदस्त जोइसरण्णो मियंके विमाणे कंता देवा कंताओ देवीओ कंताई आसणसयणखंभभंडमत्तोवगरणाई अप्पगावि य णं चंदे देवे जोइसिंदे जोइसराया सोमे कंते सुभगे पियदंसणे सुरूवे ता एवं खलु चंदे ससी चंदे ससी आहिएति वएजा ।ता कहं ते सूरिए आइच्चे सूरे२ आहिएति वएजा ? ता सूराइया णं समयाइ वा आवलियाइ वा आणापाणूइ वा थोवेइ वा जाव उस्सप्पिणिओसप्पिणीइ वा, एवं खलु सूरे आइच्चे 2 आहि एति वएजा // 104 // ता चंदस्स णं जोइसिंदस्स जोइसरण्णो कइ अग्गमाहि सीओ पण्णताओ ? ता चंदस्स० चत्तारि अग्गमहिसीओ पण्णत्ताओ, तं०-चंदप्पभा दोसिणाभा अच्चिमाली पभंकरा, जहा हेट्ठा तं चेव जाव णो चेव णं मेहुणवत्तियं, एवं सूरस्सवि णेयव्वं, ता चंदिमसूरिया णं जोइसिंदा जोइसरायाणो केरिसए कामभोगे पच्चणुभवमाणा विहरंति ? ता से जहाणामए-केइ पुरिसे पढमजोव्वणुट्ठाणबलसमत्थे पढमजोव्वणुट्ठाणवलसमत्थाए भारियाए सद्धिं अचिरवत्तविवाहे अत्थार्थी अत्थगवेसणयाए सोलसवासविष्पवसिए से णं तओ लद्धटे कयकज्जे अणहसमग्गे पुणरवि णियघरं हव्वमागए ण्हाए कयबलिकम्मे कयकोउयमंगलपायच्छित्ते सुद्धप्पावेसाई मंगलाई वत्थाई पवरपरिहिए अप्पमहन्याभरणालंकियसरीरे मणुण्णं थालीपागसुद्धं अट्ठारसवंजणाउलं भोयणं भुत्ते समाणे तंसि तारिसगंसि वासघरंसि अंतो बाहिरओ दूमियघट्टमढे विचित्तउल्लोयचिल्लियतले बहुसमसुविभत्तभूमिभाए मणिरयणपणासियंधयारे कालागरुपवरकुंदुरुक्कतुरुकधूवमघमघंतगंधुद्धयाभिरामे सुगंधवरगंधिए गंधवट्टिभूए तंसि तारिसगंसि सयणिज्जसि दुह्ओ उण्णए मज्झोणयगंभीरेसालिंगणवट्टिए पण्णत्तगंडविब्बोयणे सुरम्मे गंगापुलिणवालुयाउद्दालसालिसए सुविरइयरयत्ताणे ओयवियखोमियखोमदुगूलपट्टपडिच्छायणे रत्तंसुयसंवुडे सुरम्मे आई. णगरूयबूरणवणीय तूलफासे सुगंधवरकुसुमचुण्णसयणोवयारकलिए ताए तारिसाए
