________________ 828 अनंगपविट्ठसुत्ताणि सयराइं सहस्साइं परिरओ तस्स / अहियाई उच्च पंचुत्तराई कालोयहिवरस्स // 1 // बायालीसं चंदा बायालीसं च दिणयरा दित्ता / कालोयहिंमि एए चरंति संबद्धलेसागा // 2 ॥णक्खत्तसहस्सं एगमेव छावत्तरं च सयमण्णं / छच्च सया छण्णउया महूगगहा तिण्णि य सहस्सा // 3 // अट्ठावीसं कालोयहिंमि बारस य सहस्साई / णव य सया पण्णासा तारागणकोडिकोडीणं // 4 // " ता कालोयं णं समुदं पुक्खरवरे णाम दीवे वट्टे वलयागारसंठाणसंठिए सव्वओ समंता संपरिस्वित्ताणं चिट्ठइ, ता पुक्खरवरे णं दीवे किं समचक्कवालसंठिए विसमचक्कवालसंठिए ? ता समचक्कवालसंठिए णो विसमचक्कवालसंठिए, ता पुक्खरखरे णं दीवे केवइयं समचक्कवालविक्खंमेणं केवइयं परिक्खेवेणं० 1 ता सोलस जोयणसयसहस्साई चक्कवालविक्खंभेणं एगा जोयणकोडी बाणउइं च सयसहस्साई अउपावण्णं च सहस्साइं अट्ठचउणउए जोयणसए परिक्खेवेणं आहिएति वएजा, ता पुक्खरवरे णं दीवे केवइया चंदा पभासेंसु वा 3 पुच्छा तहेव, ता चोयालचंदसयं पभासेंसु वा 3, चोत्तालं सूरियाणं सयं तवइंसु वा 3, चत्तारि सहस्साई बत्तीसं च णक्खत्ता जोयं जोएंसु वा 3, बारस सहस्साइं छच्च बावत्तरा महग्गहसया चारं चरिंसु वा 3, छण्णउइसयसहस्साई चोयालीसं सहस्साई चत्तारि य सयाई तारागणकोडिकोडीणं सोभं सोभिंसु वा 3, "कोडी बाणउई खलु अउणाणउई भवे सहस्साई / अट्ठसया चउणउया य परिरओ पोक्खरवरस्स // 1 // चोत्तालं चंदसयं चत्तालं चेव सूरियाण सयं / पोक्खरवरदीवम्मि चरंति एए पभासंता // 2 // चत्तारि सहस्साई छत्तीसं चेव हुंति णक्खत्ता / छच्च सया बावत्तर महग्गहा बारह सहस्सा // 3 // छण्णउइ सयसहस्सा चोत्तालीसं खलु भवे सहस्साई / चत्तारि य सया खलु तारागणकोडिकोडीणं // 4 // " ता पुक्खरवरस्स णं दीवस्स० बहुमज्झदेसभाए माणुसुत्तरे णामं पव्वए वलयागारसंठाणसंठिए जे णं पुक्खरवरं दीवं दुहा विभयमाणे 2 चिट्टइ, तंजहा-अभितरपुक्खरद्धं च बाहिरपुक्खरद्धं च, ता अभितरपुक्खरद्धे णं किं समचक्कवालसंठिए विसमचक्कवालसंठिए ? ता समचक्वालसंठिए णो विसमचक्वालसंठिए, ता आभंतरपुक्खरद्धे णं केवइयं चक्कवालविक्खंभेणं केवइयं परिक्खेवेणं आहिएति वएजा ? ता अट्ठ जोयणसयसहस्साई चक्कवालविक्खंभेणं एका जोयणकोडी बायालीसं च सयसहस्साई तीसं च सहस्साइं दो अउणापण्णे जोयणसए परिक्खेवेणं आहिएति वएजा, ता अभितरपुक्खरद्धे णं केवइया चंदा पभासेंसु वा 3 केवइया सूरा तविंसु वा 3 पुच्छा, ता बावत्तरि चंदा पभासिंसु वा 3, बावत्तरि सूरिया तवइंसुवा 3, दोण्णि
