________________ 760 अनंगपविट्ठसुत्ताणि. . इच्छसि कम्मि होइ रिक्खम्मि / अवहारं ठाविजा तत्तियरूवेहि संगुणए // 1 // छावट्ठी य मुहुत्ता बिसट्ठिभागा य पंच पडिपुण्णा / वासट्ठिभागसत्तट्टिगो य इवको हवइ भागो ॥सा एयमवहाररासिं इच्छअमावाससंगुणं कुजा / णक्खत्ताणं एत्तो. सोहणगविहिं णिसामेह / / 3 / / बावीसं च मुहत्ता छायालीसं बिसट्ठिभागा य / एयं पुणव्वसुस्स य सोहयव्वं हवइ वुच्छं // 4 // बावत्तरं सयं फग्गुणीणं बाणउदय बे विसाहासु / चत्तारि य बायाला सोज्झा उ उत्तरासाढा // 5 // एयं पुणव्वसुम्स य बिसट्ठिभागसहियं तु सोहणगं / इत्तो अभिईआई बिइयं वुच्छामि सोहणगं // 6 // अभिइस्स णव मुहुत्ता बिसट्ठिभागा य हुंति चउवीसं / छावट्ठी असमत्ता भागा सत्ताट्ठछेयकया // 7 // उगुणटुं पोट्ठवयाइसु चेव णवोत्तरं च रोहिणिया / तिसु णवणवएसु भवे पुणव्वसू फग्गुणीओ य ||8|| पंचेष उगुणपण्णं सयाइ उगुणुत्तराई छच्चेव / सोज्झाणि विसाहासु मूले सत्तेव चोयाला // 9 // अट्ठसय उगुणवीसा सोहणगं उत्तराण साढाणं / चउवीसं खलु भागा छावट्ठी चुणियाओ य // 10 // एयाइ सोहइत्ता जं सेसं तं हवेइ णक्खत्तं / इत्थं करेइ उडुबह सूरेण समं अमावासं // 11 // इच्छापुण्णिमगुणिओ अवहारो सोत्थ होइ कायव्यो / तं चेव य सोहणगं अभिईआई तु कायब्वं // 12 // सुद्धमि य सोहणगे जं सेसं तं भविज णक्खत्तं / तत्थ य करेइ उडुवइ पडिपुण्णो पुण्णिम विउलं॥१३॥] ता साविट्टिण्णं पुण्णिमासिणि किं कुलं जोएइ उवकुलं जोएइ कुलोवकुलं जोएइ ? ता कुलं वा जोएइ उवकुलं वा जोएइ कुलोवकुलं वा जोएइ, कुलं जोएमाणे धणिट्ठा णक्खत्ते० उवकुलं जोएमाणे सवणे णक्खत्ते जोएइ, कुलोवकुलं जोएमाणे अभिई णखत्ते जोएइ, ता साविट्टि० पुण्णिमं कुलं वा जोएइ उवकुलं वा जोएइ कुलोवकुलं वा नोएइ, कुलेण वा जुत्ता उवकुलेण वा जुत्ता कुलोवकुलेण वा जुत्ता साविट्ठी पुण्णिमा जुत्ताति वत्तव्वं सिया, ता पोट्टवइण्णं पुण्णिमं किं कुलं जोएइ उपकुलं जोएइ कुलोवकुलं वा जोएइ ? ता कुलं वा जोएइ उवकुलं वा जोएइ कुलोवकुलं वा जोएइ, कुलं जोएमाणे उत्तरापोट्टवया णक्खत्ते जोएइ, उवकुलं जोएमाणे पुव्वापुट्ठवया णक्खत्ते जोएइ, कुलोवकुलं जोएमाणे सयभिसया णक्खत्ते जोएइ, पोट्ठवइण्णं पुण्णमासिणिं कुलं वा जोएइ उपकुलं वा जोएइ कुलोवकुलं वा जोएइ, कुलेण वा जुत्ता 3 पुट्टवया पुण्णिमा जुत्ताति वत्तव्वं सिया, ता आसोई णं पुण्णिमासिणिं किं कुलं जोएइ उवकुलं जोएइ कुलोवकुलं जोएइ ? ता कुलंपि जोएइ उवकुलंपि जोएइ णो लभई कुलोवकुलं,