________________ चंदपण्णती पा. 10 पा. 6 789 ता कहं ते कुला उवकुला कुलोवकुला आहिताति षएजा ? तत्थ खलु इमे बारस कुला बारस उवकुला चत्तारि कुलोवकुला प०, बारस कुला०, तंजहा-धणिट्ठाकुलं उत्तराभद्दवयाकुलं अस्सिणीकुलं कत्तियाकुलं संठाणाकुलं पुस्साकुलं महाकुलं उत्तराफग्गुणीकुलं चित्ताकुलं विसाहाकुलं मूलाकुलं उत्तरासाढाकुलं, बारस उवकुला०, तंजहा-सवणो उवकुलं पुव्वापुट्ठवयाउवकुलं रेवई उवकुलं भरणीउवकुलं रोहिणीउवकुलं पुणवसूउवकुलं अस्सेसाउवकुलं पुव्वाफग्गुणीउवकुलं हत्थाउवकुलं साईउवकुलं जेट्ठाउवकुलं पुव्वासाढाउवकुलं, चत्तारि कुलोवकुला०, तंजहा-अभीईकुलोवकुलं सयभिसयाकुलोवकुलं अद्दाकुलोवकुलं अणुराहाकुलोवकुलं // 35 // दसमस्स पाहुडस्स पंचमं पाहुडपाहुडं समत्तं // 10-5 // ता कहं ते पुण्णिमासिणी आहितेति वएजा 1 तत्थ खलु इमाओ बारस पुण्णिमासिणीओ बारस अमावासाओ पणत्ताओ, तंजहा-साविट्ठी पोट्ठवई आसोया कत्तिया मग्गसिरी पोसी माही फग्गुणी चेत्ती वेसाही जेट्ठामूली आसाढी, ता साविट्ठिण्णं पुणिमासि कइ णक्खत्ता जोएंति ? ता तिण्णि णक्खत्ता जोएंति, तंजहा-अभिई सवणो धणिट्ठा, पुडवइण्णं पुणिमं कइ णक्खत्ता जोएंति ? ता तिणि णक्खत्ता जोएंति, तंजहा-सयभिसया पुव्वापोट्टवया उत्तरापोट्ठवया, ता आसोइण्णं पुण्णिमं कह णक्खत्ता जोएंति ? ता दोण्णि णबखत्ता जोएंति, तंजहाँरेवई य अस्सिणी य, ता कत्तियण्णं पुण्णिमं कइ णक्खत्ता जोएंति ? ता दोण्णि णक्खत्ता जोएंति, तंजहा-भरणी कत्तिया य, ता मग्गसिरीपुण्णिमं कइ णवखत्ता जोएंति ? ता दोण्णि णक्खत्ता जोएंति, तंजहा-रोहिणी मिगसिरो य, ता पोसिणं पुण्णिमं कइ णक्खत्ता जोएंति ? ता तिण्णि णक्खत्ता जोएंति, तंजहा-अद्दा पुणव्वसू पुस्सो, ता माहिणं पुण्णिमं कइ णक्खत्ता जोएंति 1 ता दोण्णि णवखत्ता जोएंति, तं०-अस्सेसा महा य, ता फग्गुणिणं पुण्णिमं कइ णक्खत्ता जोएंति ? ता दुण्णि णक्खत्ता जोएंति, तं०-पुव्वाफ.गुणी उत्तराफग्गुणी य, ता चेत्तिण्णं पुण्णिम कइ णक्खत्ता जोएंति ? ता दोण्णि०, तं०-हत्थो चित्ता य, ता वेसाहिण्णं पुण्णिमं कइ णक्खत्ता जोएंति ? ता दोण्णि णक्खत्ता जोएंति, तं०-साई विसाहा य, ता जेट्ठामूलिण्णं पुण्णिमासिणिं कइ णक्खत्ता जोएंति ? ता तिण्णि णक्खत्ता जोएंति, तं०-अणुराहा जेट्ठा मूलो, ता आसाढिण्णं पुण्णिमं कइ णक्खत्ता जोएंति ? ता दो णक्खत्ता जोएंति, तंजहा-पुव्वासाढा उत्तरासाढा // 36 // [णाउमिह अमावासं जह
