________________ 768 अनंगपबिट्ठसुत्ताणि पडियागच्छइ 2 ता पुणरवि अवरभूपुरस्थिमाओ लोयंताओ पाओ सूरिए आउकायंसि उत्तिट्टइ एगे एवमाइंसु 7, एगे पुण एवमाहंसु-ता पुरन्थिमाओ लोयंताओ बहूई जोयणाई बहूई जोयणसयाई बहूई जोयणसहस्साई उट्टे दूर उप्पइत्ता एत्थ णं पाओ सूरिए आगासंसि उत्तिट्ठइ, से णं इमं दाहिणड्ढें लोयं तिरियं करेइ करेत्ता उत्तरडलोयं तमेव राओ, से णं इमं उत्तरडलोयं तिरियं करेइ 2 त्ता दाहिणड्डलोयं तमेव राओ, से णं इमाई दाहिणुत्तरडलोयाइं तिरियं करेइ करेत्ता पुरस्थिमाओ लोयंताओ बहूई जोयणाई बहूइं जोयणसयाई बहूई जोयणसहस्साई उहूं दूरं उप्पइत्ता एत्थ णं पाओ सूरिए आगासंसि उत्तिट्ठइ एगे एवमाहंसु 8 / वयं पुण एवं वयामो-ता जम्बूदीवस्स 2 पाईणपडीणायमउदीणदाहिणाययाए जीवाए मंडलं चउव्वीसेणं सएणं छेत्ता दाहिणपुरस्थिमंसि उत्तरपच्चन्थिमंसि य चउभागमंडलंसि इमीसे रयणप्पभाए पुढवीए बहुसमरमणिजाओ भूमिभागाओ अट्ट जोयणसयाई उड़े उप्पइत्ता एत्थ णं पाओ दुवे सूरिया० उत्तिटुंति, ते णं इमाई दाहिणुत्तराई जम्बूदीवभागाइं तिरियं करेंति 2 त्ता पुरथिमपञ्चत्थिमाइं जम्बूदीवभागाइं तमेव राओ, ते णं इमाई पुरथिमपञ्चत्थिमाइं जम्बूदीवभागाइं तिरियं करेंति २त्ता दाहिणुत्तराई जम्बूदीवभागाइं तमेव राओ, ते णं इमाई दाहिणुत्तराई पुरथिमपञ्चत्थिमाइं च जम्बूदीवभागाइं तिरियं करेंति २त्ता जम्बूदीवस्स 2 पाईणपडीणाययउदीणदाहिणाययाए जीवाए मंडलं चउव्वीसेणं सएणं छेत्ता दाहिणपुरथिमिल्लंसि उत्तरपञ्चस्थिमिल्लंसि य चउभागमंडलंसि इमीसे रयणप्पभाए पुढवीए बहुसमरमणिजाओ भूमिभागाओ अट्ट जोयणसयाई उट्ठे उप्पइत्ता एत्थ णं पाओ दुवे सूरिया आगासंसि उत्तिहँति / 19 / बिइयस्स पाहडस्स पढमं पाहडपाहडं समत्तं / ता कहं ते मंडलाओ मंडलं संकममाणे 2 सूरिए चार चरइ आहिताति वएजा ? तत्थ खलु इमाओ दुवे पडिवत्तीओ पण्णत्ताओ, तं०-तत्थेगे एवमाहंसु-ता मंडलाओ मंडलं संकममाणे 2 सूरिए भेयघाएणं संकमइ० एगे एवमाहंसु 1, एगे पुण एवमाहंसु-ता मंडलाओ मंडलं संकममाणे 2 सूरिए कण्णकलं णिन्वेढेइ.२, तत्थ (णं) जे ते एवमाहंसु-ता मंडलाओ मंडलं संकममाणे 2 सूरिए भेयघाएणं संकमइ, तेसि णं अयं दोसे, ता जेणंतरेणं मंडलाओ मंडलं संकममाणे 2 सूरिए भेयघाएणं सेकमइ एवइयं च णं अद्धं पुरओ ण गच्छइ, पुरओ अगच्छमाणे मंडलकालं परिहवेइ, तेसि णं अयं दोसे, तत्थ जे ते एवमाहंसु-ता मंडलाओ मंडलं संक्रममाणे 2 सूरिए कण्णकल णिव्वेढेइ, तेसि णं अयं विसेसे, ता जेणंतरेणं मंडलाओ मंडलं संकममाणे 2
