________________ 754 अनंगपविट्ठसुत्ताणि तेणं कालेणं तेणं समएणं मिहिला णाम णयरी होत्था रिद्धस्थिमियसमिद्धा पमुइयजगजाणवया'पासादीया 4 // 1 // तीसे णं मिहिलाए णयरीए बहिया उत्तरपुरस्थिमे दिसीभाए माणिभद्दे णाम चेइए होत्था वण्णओ // 2 // तीसे णं मिहिलाए णयरीए जियसत्तू णामं राया होत्था वण्णओ // 3 // तस्स णं जियसत्तुस्स रण्णो धारिणी णामं देवी होत्था वण्णओ // 4 // तेणं कालेणं तेणं समएणं तम्मि चेइए सामी समोसढे, परिसा णिग्गया, धम्मो कहिओ, परिसा पडिगया जाव राया जामेव दिसि पाउन्भूए तामेव दिसि पडिगए // 5 // तेणं कालेणं तेणं समएणं समणस्स भगवओ महावीरस्स जेटे अंतेवासी इंदभूई णामं अणगारे गोयमे गोत्तेणं सत्तुस्सेहे समचउरंससंठाणसंठिए वरिसहशारायसंघयणे जाव एवं वयासी-ता : कहं ते वडोवड्डी मुहुत्ताणं आहितेति वएजा ? ता अट्ठएगूणवीसे मुहुत्तसए सत्तावीसं च सट्ठिमागे मुहुत्तस्स आहितेति वएजा // 6 // ता जया णं सूरिए सव्वभंतराओ मंडलाओ सव्वबाहिरं मंडलं उवसंकमित्ता चारं चरइ सव्वबाहिराओ मंडलाओ सव्वभंतरं मंडलं उवसंकमित्ता चारं चरइ एस णं अद्धा केवइयं राइंदियग्गेणं आहितेति वएज्जा ? ता तिणि छावढे राइंदियसए राइंदियग्गेणं आहितेति वएजा // 7 // ता एयाए अद्धाए सूरिए कइ मंडलाइं चरइ, कइ मंडलाइं दुक्खुत्तो चरइ, कइ मंडलाइं एगक्खुत्तो चरइ ? ता चुलसीयं मंडलसयं चरइ, बासीइ मंडलसयं दुक्खुत्तो चरइ, तंजहा-णिक्खममाणे चेव पविसमाणे चेव, दुवे य खलु मंडलाइं सई चरइ, तंजहा—सव्वभंतरं चेव मंडलं सव्वबाहिरं चेव मंडलं // 8 // जइ खलु तस्सेव आइच्चस्स संवच्छरस्स सयं अट्ठारसमुहुत्ते दिवसे भवइ सइं अट्ठारसमुहुत्ता राई भवइ सयं दुवालसमुहुत्ते दिवसे भवइ सई दुवालसमुहुत्ता राई भवइ, पढमे छम्मासे अस्थि अट्ठारसमुहुत्ता राई, णत्थि अट्ठारसमुहुत्ते दिवसे, अत्थि दुवालसमुहुत्ते दिवसे, णत्थि दुवालसमुहुत्ता राई भवइ, दोच्चे छम्मासे अस्थि अट्ठारसमुहुत्ते दिवसे, णत्थि अट्ठारसमुहुत्ता राई, अस्थि दुवालसमुहुत्ता राई, णत्थि दुवालममुहुत्ते दिवसे भवइ, पढमे वा छम्मासे दोच्चे वा छम्मासे णत्थि पण्णरसमुहुत्ते दिवसे भवइ, णत्थि पण्णरसमुहत्ता राई भवइ, तत्थ णं कं हेउं वएज्जा ? ता अयणं जंबूदीवे 2 सव्वदीवसमुद्दाणं सव्वन्भंतराए जाव विसेसाहिए परिक्खेवेणं पण्णत्त, ता जया णं सूरिए सव्वब्भंतरमंडलं उवसंकमित्ता चारं चरइ तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया
