________________ चंदपण्णत्ती पढमं पाहुडं जयइ णवणलिणकुवलयवियसियसयवत्तपत्तलदलच्छो / वीरो गयंदमयगलसललियगयविक्कमो भयवं // 1 // णमिऊण सुरअसुरगरुलभुयगपरिवं दिए गयवि लेसे / अरिहे सिद्धायरिए उवज्झाय सव्वसाहू य / / 2 / / फुडवियडपागडत्थं वुच्छं पुव्वसुयसारणीसंदं / सुहुमगणिणोवइटें जोइसगणरायपण्णत्तिं // 3 // णामेण इंदभूइत्ति गोयमो वंदिऊण तिविहेणं / पुच्छइ जिणवरवसहं जोइसगणरायपण्णत्ति // 4 // कइ मंडलाइ वच्चइ 1, तिरिच्छा किं च गच्छइ 2 / ओभासइ केवइयं 3 सेयाई किं ते संठिई 4 // 5 // कहिं पडिहया लेसा 5 कहिं ते ओयसंठिई 6 / के सूरियं वरयए 7 कहं ते उदयसंठिई 8 // 6 // कहं कट्ठा पोरिसिटाया 9 जोगे किं ते व आहिए 10 / किं ते संवच्छरेणाई 11, कइ संवच्छराइ य 12 // 7 // कहं चंदमसो वुट्टी 13, कया ते दोसिणा बहू 14 / केइ सिग्घगई बुत्ते 15, कहं दोसिणलावणं 16 // 8 // चयगोववाय 17 उच्चत्ते 18 सूरिया कइ आहिया 19 / अणुभावे के व संवुत्ते 20, एवमेयाइं वीसई / / 9 / वड्ढोवड्ढी मुहुत्ताणं 1, अद्धमंडलसंठिई 2 / के ते चिण्णं परियरइ 3, अंतरं किं चरंति य 4 // 10 // उग्गाहइ केवइयं 5, केवइयं च विकंपइ 6 / मंडलाण य संठाणे 7, विक्खंभो 8 अट्ठ पाहुडा // 11 // छप्पंच य सत्तेव य. अट्ठ तिणि य हवंति पडिवत्ती / पढमस्स पाहुडस्स हवंति एयाउ पडिवत्ती // 12 // पडिवत्तीओ उदए, तहा अत्थमणेसु य / भियवाए कण्णकला, मुहुत्ताण गईइ य // 13 // णिक्खममाणे सिग्धगई, पविसंते मंदगईइ य / चुलसीइसयं पुरिसाणं, तेसिं च पडिवत्तीओ // 14 // उदयम्मि अट्ठ भणिया भेयग्याए दुवे य पडिवत्ती। चत्तारि मुहुत्तगईए हुंति तइयम्मि पडिवत्ती // 15 // आवलिय 1 मुहुत्तग्गे 2, एवंभागा य 3 जोगस्सा 4 / कुलाई 5 पुण्णमासी 6 य, सण्णिवाए 7 य संठिई 8 // 16 // तार(य)ग्गं च 9 णेया य 10 चंदमग्गत्ति 11 यावरे / देवयाण य अज्झयणे 12, मुहत्ताणं णामया इय 13 // 17 // दिवसा राइ वुत्ता य 14, तिहि 15 गोत्ता 16 भोयणाणि 17 य / आइच्चवार 18 मासा 19 य, पंच संवच्छरा इय 20 // 18 // जोइसस्स य दाराई 21, णक्वत्तविजए विय 22 / दसमे पाहुडे एए, बावीसं पाहुडपाहुडा // 19 //
