________________ जंबुद्दीवपण्णत्ती व. 7 747 दिसाओ य सोभयंता चत्तारि देवसाहस्सीओ हयरूवधारीणं देवाणं उत्तरिल्लं बाह परिवहति / गाहा–सोलसदेवसहस्सा हवंति चंदेसु चेव सूरेसु / अट्टेव सहस्साई एक्केवकंमी गहविमाणे // 1 // चत्तारि सहस्साइं णक्खत्तमि य हवंति इक्किक्के / दो चेव सहस्साइं तारारूवेक्कमेक्कंमि // 2 // एवं सूरविमाणाणं जाव तारास्वविमाणाणं, णवरं एस देवसंघाएत्ति // 167 // एए सि णं भंते ! चंदिमसूरियगहगणणक्खत्ततारारूवाणं कयरे सव्व सिग्धगई कयरे सव्व सिग्चतराए चेव ? गोयमा ! चंदेहितो सूरा सिग्घगई, सूरेहिंतो गहा सिग्धगई, गहेहिंतो णखत्ता सिग्धगई, णक्खत्तेहिंतो तारारूवा सिग्धगई, सव्वप्पगई चंदा, सव्व सिन्धगई तारारूवा इति // 168 // एएसि णं भंते ! चंदिमसूरियगहगणणखत्ततारारूवाणं कयरे सव्वमहिड्डिया कयरे सव्वप्पड्डिया?गो० ! तारारूवेहितोणक्खत्ता महिड्डिया, णवखत्तेहिंतो गहा महिड्डिया, गहेहितो सूरिया महिड्डिया, सूरेहितो चंदा महिड्डिया, सव्वप्पिडिया तारारूवा, सव्वमहिड्डिया चंदा // 169 // जम्बुद्दीवे णं भंते ! दीवे तारारूवस्स य तारारूवस्स य केवइए अबाहाए अंतरे पण्णत्ते ? गोयमा ! दुविहे अंतरे प०, तं०वाघाइए य णिव्वाघाइए य,णिव्वाघाइए जहण्णेणं पंचधणुसयाइं उक्कोसेणं दो गाउयाई, वाघाइए जहण्णेणं दोण्णि छावढे जोयणसए उक्कोसेणं बारस जोयणसहस्साई दोणि य बायाले जोयणसए तारारूवस्स य 2 अबाहाए अंतरे पण्णत्ते // 170 // . चंदस्स णं भंते ! जोइसिंदस्स जोइसरण्णो कइ अग्गमहिसीओ पण्णत्ताओ ? गोयमा ! चत्तारि अग्गमहिसीओ पण्णत्ताओ, तं०-चंदप्पभा दोसिणाभा अच्चिमाली पभंकरा, तओ णं एगमेगाए देवीए चत्तारि 2 देवीसहस्साई परिवारो पण्णत्तो, पभू णं ताओ एगमेगा देवी अण्णं देवीसहस्सं विउवित्तए, एवामेव सपुव्वावरेणं सोलस देवीसहस्सा, सेत्तं तुडिए / पहू णं भंते ! चंदे जोइसिंदे जोइसराया चंदव.सए विमाणे चंदाए रायहाणीए सभाए सुहम्माए तुडिएणं सद्धिं महया हयणट्टगीयवाइय जाव दिव्वाइं भोगभोगाई भुंजमाणे विहरित्तए 1 गोयमा ! णो इणढे समढे, से केणटेणं भंते ! जाव विहरित्तए ? गोयमा ! चंदस्स णं जोइसिंदस्स जोइसरण्णो चंदवडेंसए क्मिाणे चंदाए रायहाणीए सभाए सुहंम्माए माणवए चेइयखंभे वइरामएसु गोलवट्टसमुग्गएसु बहूईओ जिणसकहाओ सण्णिखित्ताओं चिट्ठति, ताओ णं चंदस्स अण्णेसिं च बहूणं देवाण य देवीण य अच्चणिजाओ जाव पज्जुवासणिजाओ से तेणटेणं गोयमा ! णो पभूत्ति / पभू णं चंदे 'सभाए सुहम्माए चउहिँ सामाणियसाह
