________________ - जंबुद्दीवपण्णत्ती व. 7 735 गोयमा ! पंचविहे प०, तंजहा-चंदे चंदे अभिवट्टिए चंदे अभिवड्दिए चेवेति, पढमस्स णे भंते ! चंदसंवच्छरस्स कइ पव्वा पण्णत्ता ? गोयमा ! चउव्वीसं पव्वा पण्णत्ता, बिइयस्स णं भंते ! चंदसंवच्छरस्स कइ पव्वा पण्णत्ता ? गोयमा ! चउव्वीसं पव्वा पण्णत्ता, एवं पुच्छा तइयस्स, गोयमा ! अभिवडियसंवच्चरस्स छव्वीसं पव्वा प०, चउत्थस्स० चंदसंवच्छरस्स० चोव्वीसं पव्वा०, पंचमस्स णं० अभिवड्डियस्स० छब्बीसं पव्वा पण्णत्ता, एवामेव सपुव्वावरेणं पंचसंवच्छरिए जुए एगे चउव्वीसे पन्चसए एण्णत्ते, सेत्तं जुगसंवच्छरे / पमाणसंरच्छरे णं भंते ! कइविहे पण्णते ? गोयमा ! पंचविहे पण्णत्ते, तंजहा–णक्खत्ते चंदे उऊ आइच्चे अभिवड्डिए, सेत्तं पमाणसंवच्छरे / लक्खणसंवच्छरे णं भंते ! कइविहे पण्णत्त ? गोयमा ! पंचविहे पुण्णत्ते, तंजहा-" समयं णक्खत्ता जोगं जोयंति समयं उऊ परिणमंति / णच्चुण्ह णाइसीओ बहूदओ होइ णक्खत्ते // 1|| ससि समगपुण्णमासिं जोएंति विसमचारिणक्खत्ता / कडुओ बहूदओ य तमाहु संवच्छरं चंदं // 2 // विसमं पवालिणो परिणमंति अणुऊसु दिति पुप्फफलं / वासं ण सम्म वासइ तमाहु संवच्छरं कम्मं // 3 // पुढविदगाणं च रसं पुष्फफ्लाणं च देइ आइच्चो / अप्पेणवि वासेणं सम्मं णिप्फजए सस्सं // 4 // आइच्चतेयतविया खणलवदिवसा उऊ परिणमंति / पूरेइ य णिण्णथले तमाह अभिवड्डियं जाण // 5 // " से लक्खण संवच्छरे / सणिच्छरसंवच्छरे णं भंते ! कइविहे पण्णत्ते ? गोयमा ! अट्ठावीसइविहे पण्णत्ते, तंजहा-अभिई सवणे धणिट्ठा सयभिसया दो य होति भद्दवया। रेवइ अस्सिणि भरणी कत्तिय तह रोहिणी चेव // 1 // जाव उत्तराओ आसाढाओ जं वा सणिच्चरे महग्गहे तीसाए संवच्छरेहिं सव्वं णक्खत्तमण्डलं समाणेइ सेत्तं सणिच्छरसंवच्छरें / / 151 // एगमेगस्स णं भंते ! संवच्छरस्स कइ मासा पण्णत्ता ? गोयमा ! दुवालस मासा पण्णत्ता, तेसि णं दुविहा णामधेजा प०, तं०-लोइया लोउत्तरिया य, तत्थ लोइया णामा इमे, तं०-सावणे भदवए जाव आसाडे, लोउत्तरिया णामा इमे, तंजहा-अभिणदिए पट्टे य, विजए पीहवद्धणे / सेयंसे य सिवे चेव, सिसिरे य सहेमवं // 1 // णवमे वसंतमासे, दसमे कुसुमसंभवे / एक्कारसे णिदाहे य, वणविरोहे य बारसे // 2 // एगमेगस्स णं भंते ! मासस्स कइ पक्खा पण्णत्ता ? गोयमा ! दो पक्खा पण्णत्ता, तं०-बहुलपक्खे य सुक्कपक्खे य / एगमेगस्सणं भंते ! पक्खस्स कइ दिवसा पण्णत्ता ? गोयमा ! पण्णरस दिवसा पण्णत्ता, तं०-पडिवादिवसे बिइयादिवसे जाव पण्णरसीदिवसे, एएसि णं भंते ! पण्णरसण्हं दिवसाणं कइ णामधेजा पण्णत्ता ? गोयमा ! पण्णरस णामधेजा
