________________ - 734 अनंगपविट्ठसुत्ताणि जोयणसए अट्ठारस य भागसहस्से दोण्णि य तेवढे भागसए गच्छइ मंडलं एक्कवीसाए भागसहस्सेहिं णवहि य सट्टेहिं सएहिं छेत्ता / नया णं भंते ! णक्खत्ते सव्वबाहिरं मंडलं उसंकमित्ता चारं चरइ तया णं एगमेगेणं मुहत्तण केवइयं खेत्तं गच्छइ ? गोयमा ! पंच जोयणसहस्साई तिण्णि य एगूणर्व से जोयणसए सोलस य भागसहस्सेहिं तिण्णि य पणढे भागसए गच्छइ मंडलं एगवीसाएं भागसहस्सेहिं णवहि य सढेहिं सएहिं छेत्ता, एए णं भंते ! अट्ठ णक्खत्तमंडला कइहिं चंदमंडलेहि समोयरंति ? गोयमा ! अट्ठहिं चंदमंडलेहिं समोयरंति, तंजहा-पढमे चंदमंडले तइए० छठे० सत्तमे० अट्ठमे०दसमे० इक्कारसमे० पण्णरसमे चंदमंडले, एगमेगेणं भंते ! मुहुत्तेणं केवइयाइं भागसयाइं गच्छइ ? गोयमा! जं जं मंडलं उवसंकमित्ता चारं चरइ तस्स 2 मंडलपरिक्खेवस्स सत्तरस अटे भागसए गच्छइ मंडलं सयसहस्सेणं अट्ठाणउईए य सएहिं छेत्ता इति / एगमेगेणंभंते ! मुहुत्तेणं सूरिए केवइयाई भागसयाइं गच्छइ ? गोयमा ! जं जं मण्डलं उवसंकमित्ता चारं चरइ तस्स 2 मण्डलपरिक्खेवस्स अट्ठारसतीसे भागसए गच्छइ मण्डलं सयसहस्से हिं अट्ठाणउईए य सएहिं छेत्ता, एगमेगेणं भंते ! मुहुत्तेणं णक्खत्ते केवइयाइं भागसयाई गच्छइ ? गोयमा ! जं जं मण्डलं उवसंकमित्ता चारं चरइ तस्स तस्स मंडलपरिक्खेवस्स अट्ठारस पणतीसे भागसए गच्छद मंडलं सयसहस्सेणं अट्ठाणउईए य सएहिं छेत्ता // 149 // जम्बुद्दीवे णं भंते ! दीवे सूरिया उदीणपाईणमुग्गच्छ पाईणदाहिणमागच्छंति 1 पाईणदाहिणमुग्गच्छ दाहिणपडीणमागच्छंति 2 दाहिणपर्ड णमुग्गच्छ पडीणउदीणमागच्छंति 3 पडीणउदीणमुग्गच्छ उदीणपाईणमागच्छंति 4 ? हंता गोयमा ! जहा पंचमसए पढमे उद्देसे जाव णेवत्थि. उस्सप्पिणी अवट्ठिए णं तत्थ काले प० समणाउसो !, इच्चेसा जम्बुद्दीवपण्णत्ती सूरपण्णत्ती वत्थुसमासेणं सम्मत्ता भवइ। जम्बुद्दीवे णं भंते ! दीवे चंदिमा उदीणपाईणमुग्गच्छ पाईणदाहिणमागच्छंति जहा सूरवत्तव्च्या जहा पंचमसयस्स दसमे उद्देसे जाव अवट्ठिए णं तत्थ काले पण्णत्ते समणाउसो !, इच्चेसा जम्बुद्दीवपण्णत्ती चंदपण्णत्ती वत्थुसमासेणं सम्मत्ता भवइ // 150 // कइ णं भंते ! संवच्छरा पण्णत्ता ? गोयमा ! पंच संवच्छरा प०, तं०-णक्खत्तसंवच्छरे जुगसंवच्छरे पमाणसंवच्छरे लक्खणसंवच्छरे सणिच्छरसंवच्छरे / णखत्तसंवच्छरे णं भंते ! कइविहे पण्णत्ते ? गोयमा ! दुवालसविहे प०, तं०-सावणे भद्दवए आसोए जाव आसाढे, जं वा विहफई महग्गहे दुवालसेहिं संवच्छरेहिं सव्वणक्वत्तमण्डलं समाणेइ सेत्तं णक्वत्तसंवच्छरे / जुगसंवच्छरे णं भंते / कइविहे पण्णत्ते ?
