________________ - जंबुद्दीवपण्णत्ती व. 7 729 णं भंते ! देवा कि उड्डोववण्णगा कप्पोववण्णगा विमाणोववप्णगा चारोववष्णगा चारहिइया गइरइया गइसमावण्णगा ? गोयमा ! अंतो णं माणुसुत्तरस्स पव्वयस्स जे चंदिमसूरिय जाव तारारूवा ते णं देवा णो उड्ढोववण्णगा णो कप्पोववण्णगा विमाणोववण्णगा चारोववण्णगा णो चारट्टिइया गइरइया गइसमावण्णगा उड्ढीमुहकलंबुयापुष्फसठाणसंठिएहिं जोयणसाहस्सिएहिं तावखेत्तेहिं साहस्सियाहिं वेउव्वियाहिं बाहिराहिं परिसाहिं महया हयणट्टगीयवाइयतंतीतलतालतुडियघणमुइंगपडुप्पवाइयरवेणं दिव्वाइं भोगभोगाई भुंजमाणा महया उक्किट्ठिसीहणायबोलकलकलरवेणं अच्छं पव्वयरायं पयाहिणावत्तमण्डलचारं मेरुं अणुपरियति 14 // 140 // तेसि णं भंते ! देवाणं जाहे इंदे चुए भवइ से कहमियाणि पकरेंति ? गोयमा ! ताहे चत्तारि पंच वा सामाणिया देवा तं ठाणं उवसंपज्जित्ताणं विहरंति जाव तत्थ अण्णे इंदे उववण्णे भवइ। इंदट्ठाणे णं भंते ! केवइयं कालं उववाएणं विरहिए ? गोयमा ! जहण्णेणं एगं समयं उक्कोसेणं छम्मासे उववाएणं विरहिए / बहिया णं भंते ! माणुसुत्तरस्स पव्वयस्स जे चंदिम जाव तारारूवा तं चेव णेयत्वं णाणत्तं विमाणोववण्णगा णो चारोववण्णगा चारहिइया णो गइरइया णो गइसमावण्णगा पक्किट्टगसंठाणसंटिएहिं जोयणसयसाहस्सिएहिं तावखेत्तेहिं सयसाहस्सियाहिं वेउत्वियाहिं बाहिराहिँ परिसाहिं महया हयणट्ट जाव भुंजमाणा सुहलेसा मंदलेसा मंदायवलेसा चित्तंतरलेसा 'अण्णोण्णसमोगाढाहिं लेसाहिं कूडाविव ठाणटिया सवओ समंता ते पएसे ओभासंति उज्जोवेति पभासेंतित्ति / तेसि णं भंते ! देवाणं जाहे इंदे चुए भवइ से कहमियाणि पकरेंति जाव जहणणेणं एक्कं समयं उक्कोसेणं छम्मासा इति 15 // 141 // कइ णं भंते ! चंदमण्डला प० ? गो० ! पण्णरस चंदमण्डला पण्णत्ता। जम्बुद्दीवे णं भंते ! दीवे केवइयं ओगाहित्ता केवइया चंदमण्डला प०? गो० ! जम्बुद्दीवे 2 असीयं जोयणसयं ओगाहित्ता एत्थ णं पंच चंदमण्डला पण्णत्ता, लवणे णं भंते ! पुच्छा,गोयमा ! लवणे णं समुद्दे तिणि तीसे जोयणसए ओगाहित्ता एल्थ णं दस चंदमण्डला पण्णत्ता, एवामेव सपुव्वावरेणं जम्बट्टीवे दीवे लवणे य समुद्दे पण्णरस चंदमण्डला भवंतीतिमक्खायं // 142 / / सत्वमंतराओ णं भंते ! चंदमंडलाओ केवइयाए अबाहाए सव्वबाहिरए चंदमंडले प० ? गोयमा ! पंचदसुत्तरे जोयणसए अबाहाए सव्वबाहिरए चंदमंडले पत्ते // 143 // चंदमंडलस्स णं भंते ! चंदमंडलस्स य एस णं केवइयाए अबाहाए अंतरे
