________________ 728 ____अनंगपविट्ठसुत्ताणि अंधयारे केवइए आयामेणं प० 1 गोयमा! अट्ठहत्तर जोयणसहस्साई तिण्णि य तेत्तीसे जोयणसए तिभागं च आयामेणं प०। जया णं भंते ! सूरिए सव्वबाहिरमंडलं उवसंकमित्ता चारं चरइ तया णं किंसंठिया तावखेत्तसंठिई प०? गो ! उड्ढीमुहकलंबुयापुप्पसंठाणसंठिया० पण्णत्ता, तं चेव सव्वं यत्वं णवरं णाणत्तं जं अंधयारसंठिईए पुव्ववणियं पमाणं तं तावखेत्तसंठिईए णेयव्वं, जं तावखेत्तसंठिईए पुव्ववणियं पमाणं तं अंधयारसंठिईए णेयव्वंति 9||135 // जंबुद्दीवेणं भंते ! दीवे सूरिया उग्गमणमुहुत्तंसि दूरे य मूले य दीसंति मज्झतियमुहुत्तंसि मूले य दूरे य दीसंति अत्थमणमुहुत्तसि दूरे य मूले य दीसंति ? हंता गोयमा !तं चेव जाव र्द,संति, जम्बुद्दीवे णं भंते ! दीवे सूरिया उगमणमुहुत्तंसि य मज्झंतियमुहुत्तंसि य अस्थमणमुहत्तंसि य सव्वत्थ समा उच्चत्तेणं ? हंता तं चेव जाव उच्चत्तेणं, जइ णं भंते ! जम्बुद्दीवे दीवे सूरिया उग्गमणमुहुत्तंसि य मज्झं अस्थ० सव्वत्थ समा उच्चत्तेणं कम्हा णं भंते ! जम्बुद्दीवे दीवे सूरिया उग्गमणमुहुत्तंसि दूरे य मूले य दीसंति०? गोयमा ! लेसापडिघाएणं उग्गमणमुहुत्तंसि दूरे य मूले य दीसंति लेसाहितावेणं मज्झतियमुहुत्तंसि मूले य दूरे य दीसंति लेसापडिघाएणं अस्थमणमुहुत्तंसि दूरे य मूले य दीसंति, एवं खलु गोयमा ! तं चेव जाव दीसंति 10 // 136 // जम्बुद्दीवे णं भंते ! दीवे सूरिया किं तीयं खेत्तं गच्छंति पडुप्पण्णं खेत्तं गच्छंति अणागयं खेत्तं गच्छंति ? गोयमा ! णो तीयं खेत्तं गच्छंति पडुप्पण्णं खेत्तं गच्छंति णो अणागयं खेत्तं गच्छंतित्ति, तं भंते ! किं पुढे गच्छंति जाव णियमा छद्दिसिंति, एवं ओभासेंति, तं भंते ! किं पुटुं ओभासेंति०१ एवं आहारपयाइं णेयव्वाइं पुट्ठोगाढमणंतरअणुमहआइविसयाणुपुव्वी य जाव णियमा छद्दिसिं, एवं उज्जोवेति तवेंति पभासेंति 11 // 137 // जम्बुद्दीवे णं भंते ! दीवे सूरियाणं किं तीए खेत्ते किरिया कजइ पडुप्पण्णे० अणागए. ? गो० ! णो तीए खेत्ते किरिया कजइ पडुप्पण्णे० कजइ णो अणागए० सा भंते ! किं पुट्ठा कजइ० ! गोयमा ! पुट्ठा० णो अणापुट्ठा कजइ जाव णियमा छद्दिसिं 12 // 138 // जम्बुद्दीवे णं भंते ! दीवे सूरिया केवइयं खेत्तं उड़े तवयंति अहे तिरियं च ? गोयमा ! एग जोयणसयं उड्ढे तवयंति अट्ठारससयजोयणाई अहे तवयंति सीयालीसं जोयणसहस्साई दोणि य तेवढे जोयणसए एगवीसं च सट्ठिभाए जोयणस्स तिरियं तवयंतित्ति 13 // 139 // अंतो णं भंते ! माणुसुत्तरस्स पव्वयस्स जे चंदिमसुरियगहंगणणक्खत्ततारारूवा ते
