________________ 604 अनंगपविट्ठसुत्ताणि गामी अप्पेगइया मणुयगामी अप्पेगइया देवगामी अप्पेगइया सिझंति बुझंति मुच्चंति परिणिव्वायांते सव्वदुक्खाणमंतं करेंति // 11 // कहि णं भंते ! जंबुद्दीवे 2 भरहे वासे वेयड्ढे णामं पव्वए पण्णत्ते ? गो० ! उत्तरड्भरहवासस्स दाहिणणं दाहिणड्डभरहवासस्स उत्तरेणं पुरथिमलवणसमुदस्स पच्चत्थिमेणं पच्चत्थिमलवणसमुद्दस्स पुरत्थिमेणं एत्थ णं जंबुद्दीवे 2 भरहे वासे वेयड्डे णामं पव्वए पण्णत्ते, पाईणपडीणायए उदीणदाहिणविच्छिण्णे दुहा लवणसमुदं पुढे पुरथिमिल्लाए कोडीए पुरथिमिल्लं लवणसमुदं पुढे पच्चत्थिमिल्लाए कोडीए पच्चत्थिमिल्लं लवणसमुदं पुढे, पणवीसं जोयणाई उड्ढे उच्चत्तेणं छस्सकोसाइं जोयणाई उव्वेहेणं पण्णासं जोयणाई विक्खंभेणं, तस्स बाहा पुरथिमपञ्चत्थिमेणं चत्तारि अट्ठासीए जोयणसए सोलस य एगूणवीसइभागे जोयणस्स अद्धभागं च आयामेणं पण्णत्ता, तस्स र्जका उत्तरेणं पाईणपडीणायया दुहा लवणसमुदं पुट्ठा पुरथिमिल्लाए कोडीए पुरस्थिमिल्लं लवणसमुदं पुट्ठा पच्चत्थिमिल्लाए कोडीए पच्चथिमिल्लं लवणसमुदं पुट्ठा दस जोयणसहस्साई सत्त य वीसे जोयणसए दुवालस य एगूणवीसइभागे जोयणस्स आयामेणं, तीसे धणुपुढे दाहिणेणं दस जोयणसहस्साई सत्त य तेयाले जोयणसए पण्णरस य एगूणवीसइभागे जोयणस्स परिक्खेवेणं रुयगसंठाणसंठिए सव्वरययामए अच्छे सण्हे लढे घट्टे मढे णीरए णिम्मले णिप्पंके णिक्कंकडच्छाए सप्पभे सस्सिरीए पासाईए दरिसणिज्जे अभिरुवे पडिरूवे / उभओ पासिं दोहिं पउमवरवेइयाहिं दोहि य वणसंडेहिं सव्वओ समंता संपरिक्खित्ते। ताओ णं पउमवरवेइयाओ अद्धजोयणं उट्टे उच्चत्तेणं पंचधणुसयाई विक्खंभेणं पव्वयसमियाओ आयामेणं वण्णओ भाणियव्यो / ते णं वणसंडा देसूणाई दो जोयणाई विक्खंभेणं पउमवरवेइयासमगा आयामेणं किण्हा किण्होभासा जाव वण्णओ। वेयड्स्स णं पव्वयस्स पुरथिमपच्चत्थिमेणं दो गुहाओ पण्णत्ताओ, उत्तरदाहिणाययाओ पाईणपडीणविच्छिण्णाओ पण्णासं जोयणाई आयामेणं दुवालस जोयणाई विक्खंभेणं अट्ठ जोयणाई उड्डे उच्चत्तेणं वइरामयकवाडोहाडियाओ जमलजुयलकवाडघणदुप्पवेसाओ णिच्चंधयारतिमिस्साओ ववगयगहचंदसूरणक्खत्तजोइसप्पहाओ जाव पडिरूवाओ, तंजहा-तमिसगुहा चेव खंडप्पवायगुहा चेव, तत्थ णं दो देवा महिड्डिया महज्जुइया महाबला महायसा महासुक्खा महाणुभागा पलिओवमष्ट्रिइया परिवसंति, तंजहाकयमालए चेव णट्टमालए चेव / तेसि णं वणसंडाणं बहुसमरमणिजाओ भूमिभागाओ वेयडस्स पव्वयस्स उभओ पासिं दस दस जोयणाई उडे उप्पइत्ता एत्थ णं दुवे विजाहरसेढीओ पण्णत्ताओ, पाईणपडीणाययाओ उदीणदाहिणविच्छिण्णाओ
