________________ जंबुद्दीवपण्णत्ती व. 5 715 त्थिमं दिसीभागं अवकमंति 2 त्ता वेउव्वियसमुग्घाएणं जाव समोहणित्ता अट्ठसहस्सं सोवण्णियकलसाणं एवं रुप्पमयाणं मणिमयाणं सुवण्णरुप्पमयाणं सुवण्णमणिमयाणं रुप्पमणिमयाणं सुवण्णरुप्पमणिमयाणं अट्ठसहस्सं भोमिजाणं अट्ठसहस्सं चंदणकलसाणं एवं भिंगाराणं आयंसाणं थालाणं पाईणं सुपइगाणं चित्ताणं रयणकरंडगाणं वायकरगाणं पुप्फचंगेरीणं, एवं अहा सूरियाभस्स सव्वचंगेरीओ सव्वपडलगाइं विसेसियतराई भाणियव्वाइं सीहासणछत्तचामरतेल्लसमुग्गा जाव सरिसवसमुग्गा तालियंटा जाव अट्ठसहस्सं कडुच्छुयाणं विउव्वंति विउव्वित्ता साहाविए वेउव्विए य कलसे जाव कड़च्छुए य गिण्हित्ता जेणेव खीरोदए समुद्दे तेणेव आगम्म खीरोदगं गिण्हंति 2 त्ता जाई तत्थ उप्पलाइं पउमाई जाव सहस्सपत्ताइं ताइं गिण्हंति, एवं पुक्खरोदाओ जाव भरहेरखयाणं मागहाइतित्थाणं उदगं मट्टियं च गिण्हंति 2 त्ता एवं गंगाईणं महाणईणं जाव चुल्लहिमवंताओ सव्वतुवरे सव्वपुप्फे सव्वगंधे सव्वमल्ले जाव सव्वोसहीओ सिद्धत्थए य गिण्डंति रत्ता पउमद्दहाओ दहोदगं उम्पलाईणि य०, एवं सव्वकुलपव्वएसु वट्टवेयड्ढेसु सव्वमहद्दहेसु सव्ववासेसु सव्यचक्कवट्टिविजएसु वक्खारपव्वएसु अंतरणईसु विभासिज्जा जाव उत्तरकुरुसु जाव सुदंसणभद्दसालवणे सव्वत्वरे जाव सिद्धत्थए य गिण्हंति, एवं णंदणवणाओ सव्वतुवरे जाव सिद्धत्थए य सरसं च गोसीचंदणं दिव्वं च सुमणदामं गेण्हंति, एवं सोमणसपंडगवणाओ य सव्व. तुवरे जाव सुमणदामं दद्दरमलयसुगंधे य गिण्हंति 2 त्ता एगओ मिलंति 2 त्ता जेणेव सामी तेणेव उवागच्छंति 2 त्ता महत्थं जाव तित्थयराभिसेयं उववेंतित्ति // 120 // तए णं से अच्चुए देविंदे देवराया दसहिं सामाणियसाहस्सीहिं तायत्तीसाए तायत्तीसएहिं चउहिं लोगपालहिं तिहि परिसाहिं सत्तहिं अणिएहिं सत्तहिं अणिया. हिवईहिं चत्तालीसाए आयरक्खदेवसाहस्सीहिं साई संपरिवुडे तेहिं साभाविएहिं वेउन्विएहि य वरकमलपइट्ठाणेहिं सुरभिवरवारिपडिपुण्णेहिं चंदणकयचच्चाए हि आविद्धकण्टेगुणेहिं पउमुप्पलपिहाणेहिं करयलसुकुमालपरिग्गहिएहिं अट्ठसहस्सेणं सोवणियाणं कलसाणं जाव अट्ठसहस्सेणं भोमेजाणं जाव सव्वोदएहिं सव्वमादियाहिं सव्वतुवरेहिं जाव सव्वोसहि सिद्धत्थए हिं सव्विड्डीए जाव रवेणं महया 2 नित्थयराभिसेएणं अभिसिंचइ, तए णं सामिस्स महया 2 अभिसेयंसि वट्टमा सि इंदाइया देवा छत्तचामर-धूवकडुच्छुए-पुप्फगंध जाव हत्थगया हट्टतुट्ठ जाव वजसूलपाणी पुरओ चिटुंति पंजलिउडा इति, एवं विजयाणुसारेण जाव अप्पेगडया देवा आसियसंमज्जिओवलित्तसित्तसुइसम्मट्टरत्यंतरावणवीहियं करेंति जाव गंध
