________________ जंबुद्दीवपण्णत्ती व. 4 70.1 भंते ! पव्वयस्स कइ णामधेजा पण्णत्ता ? गोयमा ! सोलस णामधेजा पण्णत्ता, तंजहा-गाहाओ-मंदर 1 मेरु 2 मणोरम 3 सुदंसण 4 सयंपभे य 5 गिरिराया 6 / रयणोच्चय 7 सिलोच्चय 8 मज्झे लोगस्स 9 णाभी य 10 // 1 // अच्छे य 11 सूरियावत्ते 12, सूरियावरणे 13 तिया / उत्तमे 14 य दिसादी य 15, वडेंसेति 16 य सोलसे // 2 // से केणटेणं भंते ! एवं वुच्चइ-मंदरे पव्वए 2 ? गोयमा ! मंदरे पव्वए मंदरे णामं देवे परिवसइ महिड्डिए जाव पलिओवमट्टिइए, से तेणतुणं गोयमा ! एवं वुच्चइ-मंदरे पव्वए 2, अदुत्तरं तं चेवत्ति // 109 // कहि णं. भंते ! जम्बुद्दीवे दीवे णीलवंते णामं वासहरपव्वए पण्णत्ते ? गोयमा ! महाविदेहस्स वासस्स उत्तरेणं रम्मगवासस्स दक्खिणेणं पुरथिमिल्ललवणसमुदस्स पचत्थिमेणं पञ्चत्थिमलवणसमुदस्स पुरथिमेणं एत्थ णं जम्बुद्दीवे 2 णीलवंते णामं वासहर. पव्वए पण्णत्ते, पाईणपडीणायए उदीणदाहिणविच्छिण्णे णिसहवत्तव्वया णीलवंतस्स भाणियव्वा, णवरं जीवा दाहिणेणं धणुं उत्तरेणं एत्थ णं केसरिदहो, दाहिणेणं सीया महाणई पवूढा समापी उत्तरकुरुं एजमाणी 2 जमगपव्वए णीलवंतउत्तरकुरुचंदेरावयमालवंतद्दहे य दुहा विभयमाणी 2 चउरासीए सलिलासहस्सेहिं आपूरेमाणी 2 भद्दसालवणं एजमाणी 2 मंदरं पव्वयं दोहिं जोयणेहिं असंपत्ता पुरत्थाभिमुही आवत्ता समाणी अहे. मालवंतवक्खारपव्वयं दालइत्ता मंदरस्स पदयस्स पुरथिमेणं पुलविदेहवासं दुहा विभयमाणी 2 एगमेगाओ चक्कवट्टिविजयाओ अट्ठावीसाए 2 सलिलासहस्सेहिं आपूरेमाणी 2 पंचहिँ सलिलासयसहस्सेहिं बत्तीसाए य सलिलासहस्सेहिं समग्गा अहे विजयस्स दारस्स जगई दालइत्ता पुरस्थिमेणं लवणसमुदं समप्पेइ, अवसिढे तं चेवत्ति / एवं णारिकंतावि उत्तराभिमुही णेयव्वा, णवरमिमं णाणत्तं गंधावइवट्टवेयड्पव्वयं जोयणेणं असंपत्ता पच्चत्थाभिमुही आवत्ता समाणी अवसिटुं तं चेव पवहे य मुहे य जहा हरिकंतासलिला इति / णीलवंते णं भंते ! वासहरपव्वए कह कूडा पण्णत्ता ? गोयमा! णव कूडा प०, तंजहा-सिद्धाययणकूडे०, सिद्धे 1 णीले 2 पुव्वविदेहे 3 सीया य 4 कित्ति 5 णारी य 6 / अवरविदेहे 7 रम्मगकूडे 8 उवदंसणे चेव 9 // 1 // सव्वे एए कूडा पंचसइया रायहाणीउ उत्तरेणं / से केणटेणं भंते ! एवं बुच्चइ-णीलवंते वासहरपव्वए 2 1 गोयमा ! णीले णीलो: भासे णीलवंते य इत्थ देवे महिड्डिए जाव परिवसइ सव्ववेरुलियामए णीलवंते जाव णिच्चेत्ति // 110 // कहि णं भंते ! जम्बुद्दीवे 2 रम्मए णामं वासे पण्णत्ते ?
