________________ 72 . अनंगपविटुसुत्ताणि एत्थ णं महेगे उक्गारियालयणे पण्णत्ते, एग जोयणसयसहस्सं आयामविक्खंभेणं तिणि जोयणसयसहस्साई सोलस सहस्साइं दोण्णि य सत्तावीसं जोयणसए तिणि य कोसे अट्ठावीसं च धणुसयं तेरस य अंगुलाई अद्धंगुलं च किंचिविसेसूणं परिक्खेवेणं, जोयणं बाहल्लेणं, सव्वजंबूणयामए अच्छे जाव पडिरूवे // 32 // से णं एगाए, पउमवरवेइयाए एगेण य वणसंडेण सव्वओ समंता संपरिक्खित्ते, सा णं पउमवरवेइया अद्धजोयणं उड्ढे उच्चत्तेणं पंच धणुसयाई विक्खंभेणं उवयारियलेणसमा परिक्खेवेणं, तीसे णं पउमवरवेइयाए इमेयासवे वण्णावासे पण्णत्ते, तंजहावयरामया णिम्मा रिट्ठामया पइट्ठाणा वेरूलियामया खंभा सुवण्णरूप्पमया फलया लोहियक्खमईओ सूइओ णाणामणिमया कलेवरा णाणामणिमया कलेवरसंघाडगा णाणामणिमया रूवा णाणामणिमया रूवसंघाडगा अंकामया पक्खबाहाओ जोइरसामया वंसा वंसकवेल्लुआ रइयामईओ पट्टियाओ जायस्वमई ओहाडणी वइरामया उवरिपुञ्छणी सव्वरयणामए अच्छायणे, साणं पउमवरवेइया एगमेगेणं हेमजालेणं ए० गवक्खजालेणं ए० खिखिणीजालेणं ए० घंटाजालेणं ए० मुत्ताजालेणं ए० मणिजालेणं ए० कणगजालेणं ए. रयणजालेणं ए० पउमजालेणं सव्वओ समंता संपरिक्खित्ता, ते णं जाला तवशिजलंबूसगा जीव चिट्ठति / तीसे णं पउमवरवेइयाए तत्थ तत्थ देसे 2 तहिं तहिं बहवे हयसंघाडा जाव उसभसंघाडा सव्वरयणामया अच्छा जाव पडिरूवा पासाईया जावं वीहीओ पंतीओ मिहुणाणि लयाओ से केणटेणं भंते ! एवं वुच्चइ-पउमवरवेइया 2 ? गोयमा ! पउमवरवेइयाए णं तत्थ तत्थ देसे 2 तहिं तहिं वेइयासु वेइयाबाहासु य वेइयफलएसु य वेइयपुडतरेसु य खंभेसु खंभवाहासु खंभसीसेसु खंभपुडंतरेसु सूईसु सूईमुहेसु सूईफलएसु सूईपुडंतरेसु पक्खेसु पक्खबाहासु पक्खपेरंतेसु पक्खपुडंतरेसु बहुयाई उप्पलाइं पउमाई कुमुयाई णलिणाई सुभगाइं सोगंधियाइं पुंडरीयाई महापुंडरीयाई सयवत्ताइं सहस्सवत्ताई सव्वरयणामयाइं अच्छाइं० पडिरूवाइं महया वासिकछत्तसमाणाइं पण्णत्ताई समणाउसो ! से एएणं अटेणं गोयमा ! एवं वुच्चइ-पउमवरवेइया पउमवरवेइया। पउमवरवेइया णं भंते ! किं सासया असासया ? गोयमा ! सिय सासया सिय असासया / से केणटेणं भंते ! एवं वुच्चइ-सिय सासया सिय असासया ? गोयमा ! दव्वट्टयाए सासया, वण्णपजवेहिं गंधपजवेहि रसपजवेहिं फासपजवेहि असासया, से एएगट्टेणं गोयमा ! एवं वुच्चइ-सिय सासया सिय असासया। पउमवरवेइया