________________ रायपसेणइयं जगईपव्वयगा दारुइजपव्वयगा दगमंडवा दगमंचगा दगमालगा दगपासायगा उसड्डा खुड्डखुड्डगा अंदोलगा पक्खंदोलगा सव्वरयणामया अच्छा जाव पडिरूवा / तेसु णं उपायपव्वएसु जाव पक्खंदोलएसु बहूई हंसासणाई कोंचासणाइं गरुलासणाई उण्णयासणाई पणयासणाई दीहासणाई भद्दासणाई पवखासणाई मगरासणाई उसभासणाई सीहासणाई पउमासणाई दिसासोवत्थियाइं सव्वरयणामयाइं अच्छाई जाव पडिरूवाई। तेसु णं वणसंडेसु तत्थ तत्थ देसे देसे तहिं तहिं बहवे आलियघरगा मालियघरगा कालघरगा लयाघरगा अच्छणघरगा पिच्छणघरगा मजणघरगा पसाहणघरगा गम्भघरगा मोहणघरगा सालघरगा जालघरगा कुसुमघरगा चित्तघरगा गंधव्वघरगा आयंसघरगा सव्वरयणामया अच्छा जाव पडिरूवा / तेसु णं आलियघरगेसु जाव आयंसघरगेसु तहिं तहिं घरएसु बहूई हंसासणाइं जाव दिसासोवत्थिआसणाई सव्वरयणामयाइं जाव पडिरूवाई / तेसु णं वणसंडेसु तत्थ तत्थ देसे 2 तहिं तहिं बहवे जाइमंडवगा जूहियामंडवगा मल्लियामंडवगा णवमालियामंडवगा वासंतिमंडवगा दहिवासुयमंडवगा सूरिल्लियमंडवगा तंबोलिमंडवगा मुद्दियामंडवगा णागलयामंडवगा अइमुत्तयलयामंडवगा अप्फोयामंडवगा मालुयामंडवी अच्छा सव्वर. यणामया जाव पडिरूवा / तेसु णं जाइमण्डवएसु जाव मालुयामंडवएसु बहवे पुढविसिलापट्टगा हंसासणसंठिया जाव दिसासोवस्थियासणसंठिया अण्णे य बहवे वरसयणासणविसिट्ठसंठाणसंठिया पुढविसिलापट्टगा पण्णत्ता समणाउसो ! आईणगरूयबूरणवणीयतूलफासा सव्वरयणामया अच्छा जाव पडिस्वा। तत्थ णं बहवे वेमाणिया देवा य देवीओ य आसयंति सयंति चिटुंति णिसीयंति तुयटॅति रमंति ललंति कीलंति किटंति मोहति पुरा पोराणाणं सुचिण्णाण सुपरिकंताण सुभाण कडाण कम्माण कल्लाणाण कल्लाणं फलविवागं पच्चणुब्भवमाणा विहरंति // 31 // तेसि णं वणसंडाणं बहुमज्झदेसभाए पत्तेयं पत्तेयं पासायवडेंसगा पण्णत्ता, ते णं पासायवडेंसगा पंच जोयणसयाई उड्ढं उच्चत्तेणं अड्ढाइजाइं जोयणसयाई विक्खंभेणं अब्भुग्गयमूसियपहसिया इव तहेव बहुसमरमणिजभूमिभागो उल्लोओ सीहासणं सपरिवारं तत्थ णं चत्तारि देवा महिड्ढिया जाव पलिओवमट्टिइया परिवसंति, तंजहा-असोए सत्तपण्णे चंपए चूए / सूरियाभस्स णं देवविमाणस्स अंतो बहसमरमणिजे भूमिभागे पण्णत्ते, तंजहा–वणसंडविहूणे जाव बहवे वेमाणिया देवा देवीओ य आसयंति जाव विहरंति, तस्स णं बहुसमरमणिजस्स भूमिभागस्स बहुमज्झदेसे
