________________ 73 रायपसेणइयं णं भंते ! कालओ.केवच्चिरं होइ ? गोयमा ! ण कयावि णासि ण कयावि णत्थि ण कयावि ण भविस्सइ, भुविं च हवइ य भविस्सइ य, धुवा णियया सासया अक्खया अव्ययी अवट्ठिया णिच्चा पउमवरवेइया। सा णं पउमवरवेइया एगेणं वणसंडेणं सव्वओ समंता संपरिक्खित्ता / से ण वणसंडे देसूणाई दो जोयणाई चक्कवालविक्खंभेणं उवयारियालेणसमे परिक्खेवेणं वणसंडवण्णओ भाणियव्वो जाव विहरति / तस्स णं उवयारियालेणस्स चउद्दिसिं चत्तारि तिसोवाणपडिरूवगा पण्णत्ता वण्णओ तोरणा झया छत्ताइच्छत्ता / तस्स णं उवयारियालयणस्स उवरिं बहुसमरमणिजे भूमिभागे पण्णत्ते जाव मणीणं फासो // 33 // तस्स णं बहुसमरमणिजस्स भूमिभागस्स बहुमज्झदेसभाए एत्थ णं महेगे मूलपासायव.सए पण्णत्ते,से णं मूलपासायवडिंसए पंच जोयणसयाई उड्ढे उच्चत्तेणं अड्ढाइजाइं जोयणसयाइं विवखंभेणं अब्भुग्गयमूसिय वण्णओ भूमिभागो उल्लोओ सीहासणं सपरिवार भाणियव्वं अट्ठ मंगलगा झया छत्ताइच्छत्ता / से णं मूलपासायवडेंसगे अण्णेहिं चउहिं पासायवडेसएहिं तयधुच्चत्तप्पमाणमेत्तेहिं सव्वओ समंता संपरिविखत्ता, ते णं पासायव.सगा अड्ढाइजाइं जोयणसयाइं उड्ढें उच्चत्तेणं पणवीसं जोयणसयं विक्खंभेणं जाव वण्णओ ते णं पासायवडिंसया अण्णेहिं चउहिँ पासायवडिसएहिं तयधुच्चत्तप्पमाणमेत्तेहि सव्वओ समंता संपरिक्खित्ता, ते णं पासायवडेंसया पणवीसं जोयणसयं उड्ढे उच्चत्तेणं बासहिँ जोयणाइं अद्धजोयणं च विखंभेणं अब्भुग्गयमूसिय वण्णओ भूमिभागो उल्लोओ सीहासणं सपरिवार भाणियव्वं अट्ठ मंगलगा झया छत्ताइच्छत्ता ते णं पासायवडेंसगा अण्णेहिं चउहि मासायव.सएहिं तयधुञ्चत्तप्पमाणमेत्तेहिं सव्वओ समंता संपरिक्खित्ता, ते णं पासायव.सगा बासट्टि जोयणाई अद्धजोयणं च उड्ढं उच्चत्तेणं एकतीसं जोयणाई कोसं च विक्खंभेणं वण्णओ उल्लोओ सीहासणं सपरिवार पासाय० उवरिं अट्ठ मंगलगा झया छत्ताइच्छत्ता // 34 // तस्स णं मूलपासायवडेंसयस्स उत्तरपुरस्थिमेणं एत्थ णं सभा सुहम्मा पण्णत्ता, एगं जोयणसयं आयामेणं पण्णासं जोयणाइं विक्खंभेणं बावत्तरि जोयणाई उड्ढे उच्चत्तेणं अणेगखंभसयसंणिविट्ठा अब्भुग्गयसुकयवयरवेइयातोरणवररइयसालभंजिया जाव अच्छरगणसंघसंविकिण्णा दिव्वतुडियसद्दसंपणादिया सव्वरयणामया अच्छा जाव पडिरूवा सभाए णं सुहम्माए तिदिसिं तओ दारा पण्णत्ता, तंजहापुरस्थिमेणं दाहिणेणं उत्तरेणं ते णं दारा सोलस जोयणाई उड्ढे उच्चत्तेणं अट्ठ
