________________ 58. अनंगपविट्ठसुत्ताणि तिसीवाणपडिरूवएणं पच्चोरुहइ / तए णं तस्स सूरियाभस्स देवस्स चत्तारि सामाणियसाहस्सीओ ताओ दिव्वाओ जाणविमाणाओ उत्तरिल्लेणे तिसोवाणपडिरूवएणं पच्चोरुहंति, अवसेसा देवा य देवीओ य ताओ दिव्वाओ जाणविमाणाओ दाहिणिल्लेणं तिसोवाणपडिरूवएणं पच्चोरुहंति / तए णं से सूरियाभे देवे चउहिं अग्गमहिसीहिं जाव सोलसहिं आयरक्खदेवसाहसीहि अण्णेहि य बहूहिं सूरियाभविमाणवासीहिं वेमाणिएहिं देवेहिं देवीहि य सद्धिं संपरिबुडे सव्विड्ढीए जाव णाइयरवेणं जेणेव समणे भगवं महावीरे तेणेव उवागच्छइ उवागच्छित्ता समणं भगवं महावीर तिक्खुत्तो आयाहिणपयाहिणं करेइ करित्ता वंदंइ णमंसइ वंदित्ता णमंसित्ता एवं वयासी-'अहं णं भंते ! सूरियामे देवे देवाणुप्पियाणं वंदामि णमंसामि जाव पज्जुवासामि' // 17 // सूरियामाइ समणे भगवं महावीरे सूरियामं देवं एवं वयासी'पोराणमेयं सूरियामा ! जीयमेयं सूरियामा ! किच्चमेयं सूरियाभा! करणिजमेयं सूरियामा ! आइण्णमेयं सूरियामा ! अब्भणुण्णायमेयं सूरियामा ! जं णं भवणवइवाणमंतरजोइसवेमाणिया देवा अरहंते भगवंते वंदति णमंसंति वंदित्ता णमंसित्ता तओ पच्छा साइं साइं णामगोत्ताइं साहिति तं पोराणमेयं सूरियामा ! जाव अब्भणुण्णायमेयं सूरियामा! / तए णं से सूरियाभे देधे समणेणं भगवया महावीरेणं एवं वुत्ते समाणे हट्ट जाव समणं भगवं महावीरं वंदइ णमंसइ वंदित्ता णमंसित्ता णच्चासण्णे णाइदूरे सुस्सूसमाणे णमंसमाणे अंभिमुहे विणएणं पंजलिउडे पज्जुवासइ // 18-19 // तए णं समणे भगवं महावीरे सूरियाभस्स देवस्स तीसे य महइमहालियाए परिसाए जाव परिसा जामेव दिसि पाउब्भूया तामेव दिसिं पडिगया // 20 // तए णं से सूरियामे देवे समणस्स भगवओ महावीरस्स अंतिए धम्म सोचा णिसम्म हड्तुह जाव हयहियए उठाए उठेइ उट्टित्ता समणं भगवं महावीरं वैदइ णमंसइ वंदित्ता णमंसित्ता एवं वयासी-अहं णं भंते ! सूरियाभे देवे किं भवसिद्धिए अभवसिद्धिए ? सम्मदिट्ठी मिच्छादिट्ठी ? परित्तसंसारिए अणंतसंसारिए ? सुलभबोहिए दुल्लभबोहिए ? आरोहए विराहए ? चरिमे अचरिमे ? // 21 // 'सूरियाभाइ समणे भगवं महावीरे सूरियाभं देवं एवं वयासी-सूरियामा ! तुम णं भवसिद्धिए णो अभवसिद्धिए जाव चरिमे णो अचरिमे / तए णं से सूरियाभे देवे समणेणं भगवया महावीरेणं एवं वुत्ते समाणे हट्टतुट्ठचित्तमाणदिए परमसोमणस्सिए समणं भगवं महावीरं वंदइ' णमंसइ वंदित्ता णमंसित्ता एवं वयासी-तुब्भे णं भंते !
