________________ रायपसेणइयं पुरओ अहाणुपुबीए संपत्थियं / तयणंतरं च णं वइरामयवट्टलट्ठसंठियसुसिलिट्ठपरिघट्टमट्ठसुपइट्ठिए विसिट्ठे अणेगवरपंचवण्णकुडभीसहस्सुस्सिए परिमंडियाभिरामे वाउऽयविजयवेजयंतीपडागच्छत्ताइच्छत्तकलिए तुंगे गगणतलमणुलिहंतसिहरे जोयणसहस्समू सिए महइमहालए महिंदज्झए पुरओ अहाणुपुव्वीए संपत्थिए / तयणंतरं च णं सुरूवणेवत्थपरिकच्छिया सुसजा सव्वालंकारभूसिया महया भडचडगरपहन रेणं पंच अणीयाहिवइणो पुरओ अहाणुपुव्वीए संपत्थिया / (तयणंतरं च णं बहवे आभिओगिया देवा देवीओ य सएहिं सएहिं रूवेहि, सएहिं सएहिं विसेसेहिं, सएहिं सएहिं विदेहि, सएहिं सएहिं णेजाएहिं, सएहिं सएहिं णेवत्थेहिं पुरओ अहाणुपुवीए संपत्थिया) तयणंतरं च णं सूरियाभविमाणवासिणो बहवे वेमाणिया देवा य देवीओ य सचिड्ढीए जाव रवेणं सूरियाभं देवं पुरओ पासओ य मग्गओ य समगुगच्छति // 16 // तए णं से सूरियामे देवे तेणं पंचाणीयपरिक्खित्तेणं वइरामयवट्टलट्ठसंठिएण जाव जोयणसहस्समूसिएणं महइमहालएणं महिंदज्झएणं पुरओ कटिजमाणेणं चंउहिं सामाणियसहस्सेहिं जाव सोलसहिं आयरक्खदेवसाहस्सीहिं अण्णेहि य बहूहिं सूरियाभविमाणवासीहिं वेमाणिएहिं देवेहिं देवीहि य सद्धि संपरिखुडे सविड्ढीए जाव रवेणं सोहम्मस्स कप्परस मज्झंमज्झेणं तं दिव्वं देविढि दिव्वं देवजुइं दिव्यं देवाणुभावं उवलालेमाणे उवलालेमाणे उवदंसेमाणे उवदंसेमाणे पडिजागरेमाणे पडिजागरेमाणे जेणेव सोहम्मस्स कप्पस्स उत्तरिल्ले णिजाणमग्गे तेणेव उवागच्छइ, 2 त्ता जोयणसयसाहस्सिएहिं विग्गहेहिं ओवयमाणे वीईवयमाणे ताए उक्किट्ठाए जाव तिरियं असंखिजाणं दीवसमुद्दाणं मझमझेणं वीइवयमाणे वीइवयमाणे जेणेव गंदीसरवरे दीवे जेणेव दाहिणपुरथिमिल्ले रतिकरपव्वए तेणेव उवागच्छइ उवागच्छित्ता तं दिव्वं देविड्ढि जाव दिव्वं देवाणुभावं पडिसाहरेमाणे 2 पडिसंखेवेमाणे 2 जेणेव जम्बूद्दीवे दीवे जेणेव भारहे वासे जेणेव आमलकप्पा णयरी जेणेव अम्बसालवणे चेइए जेणेव समणे भगवं महावीरे तेणेव उवागच्छइ उवागच्छित्ता समणं भगवं महावरं तेणं दिव्वेणं जाणविमाणेणं तिवखुत्तो आयाहिणं पयाहिणं करेइ करित्ता समणस्स भगवओ महावीरस्स उत्तरपुरस्थिमे दिसिभाए तं दिव्वं जाणविमाणं ईसिं चउरंगुलमसंपत्तं धरणितलंसि ठवेइ ठवित्ता चउहिँ अग्गमहिसीहिं सपरिवाराहिं दोहिं अणीयाहि-तंजहा गंधव्वाणिएण य पट्टाणिएण य–सद्धिं संपvिडे ताओ दिव्याओ जाणविमाणाओ पुरथिमिल्लेणं