________________ - पण्णवणासुत्तं प०३६ 565 जीवे णं भने ! तेयगममुग्घाएणं समोहए समोहणित्ता जे पोग्गले णिच्छुभइ तेहि ग्रं भंते ! पोग्गलेहिं केवइए खेत्ते अप्फुण्णे, केवइए खेत्ते फुडे ? एवं जहेव घेउविए समुग्घाए तहेव, णवरं आयामेणं जहण्णेणं अंगुलस्स असंखेजहभागं, सेसं तं चेव, एवं जाव वेमाणियस्स, णवरं पंचिंदियतिरिक्खजोणियस्स एगदिसिं एवइए खेत्ते अप्फुण्णे, एवइए खेत्ते फुडे // 705 // जीवे णं भंते ! आहारगसमुन्घाएणं समोहए समोहणित्ता जे पोग्गले णिच्छभइ तेहि णं भंते ! पोग्गले हि केवइए खेत्ते अप्फुण्णे, केवइए खेत्ते फुडे ? गोयमा ! सरीरम्पमाणमेत्ते विक्खंभवाहल्लेणं, आयामेणं जहण्णणं अंगुठस्स असंखेजहभागं, उकोसेणं संखेजाई जोयणाई एगदिसिं, एवइए खेत्ते एगसमइएण वा दुसमइएण वा तिसमइएण वा विग्गहेणं एवइकालस्स अप्फुण्णे, एवइकालस्स फुडे / ते णं भंते ! पोग्गला केवइकालस्स णिच्छुब्भंति ? गोयमा ! जहण्णेणं अंतोमुहुत्तस्स, उक्कोसेण वि अंतोमुहुत्तस्स // 706 / / ते भंते ! पोग्गला णिच्छूढा समाणा जाई तत्थ पाणाई भूयाई जीवाई सत्ताई अभिहणंति जाव उद्दवेंति, ते(हिणं भंते ! जीवे कइकिरिए ? गोयमा ! सिय तिकिरिए, सिय चउकिरिए, सिय पंचकिरिए / ते णं भंते ! जीवाओ कइकिरिया ? गोयमा ! एवं चेव / से णं भंते ! जीवे ते य जीवा अण्णेसि जीवाणं परंपराघाएणं कइकिरिया ! गोयमा! तिकिरिया वि च उकिरिया वि पंचकिरिया वि, एवं मणूसे वि // 707 // अणगारस्स णं भंते ! भावियप्पगो केवलिसमुग्घाएणं समोहयस्स जे चरमा णिजरापोग्गला सुहुमा गं ते पोग्गला षण्णत्ता समणाउसो ! सव्वलोग पि य णं ते फुसित्ताणं चिटुंति ? हंता गोयमा ! अणगारस्स भावियप्पणो केवलिसमुग्घाएणं समोहयस्स जे चरमा णिजरापोग्गला सुहमा णं ते पोग्गला पण्णत्ता समणाउसो ! सव्वलोग पि य णं ते फुसित्ताणं चिट्ठति // 708 // छ उमत्थे णं भंते ! मणूसे तेसिं णिजरापोग्गलाणं किंचि वण्णेणं वणं गंधेणं गंधं रसेणं रसं फासेण वा फासं जाणइ पासइ ! गोयमा ! णो इणट्रे समढे / से केण?णं भंते ! एवं वुच्चइ-'छउमत्थे णं मणूसे तेसिं णिजरापोग्गलाणं णो किंचि वण्णेणं वणं गंवेणं गंधं रसेणं रसं फासेणं फासं जाणइ पासई' ? गोयमा! अयण्णं जंबुद्दीवे दीवे सव्वदीवसमुदाणं सव्वब्भंतराए सव्वखुड्डाए बट्टे तेल्लापूयसंठाणसंठिए बट्टे रहंचकवालसंठाणसंठिए वट्टे पुक्खरकण्णियासंठाणसं टिए बट्टे पडि पुण्णचंदसंठाणसंठिए एगं जोयणसयसहस्सं आयामविखंभेणं तिणि जोयणसयसहस्साई सोलस सहस्साइं दोण्णि य सत्तावीसे जोयणसए तिण्णि य कोसे अट्ठावीसं च धणु
